Supreme Court: సీజేఐగా సూర్య కాంత్ ప్రమాణస్వీకారం.. హాజరైన ప్రధాని మోదీ
ఈ వార్తాకథనం ఏంటి
భారతదేశ 53వ సుప్రీంకోర్టు ప్రధాన న్యాయమూర్తిగా జస్టిస్ సూర్యకాంత్ ప్రమాణస్వీకారం చేశారు. రాష్ట్రపతి భవన్‌లో జరిగిన ఈ వేడుకలో రాష్ట్రపతి ద్రౌపది ముర్ము ఆయనను పదవీ ప్రమాణం చేయించారు. కార్యక్రమానికి ప్రధాన మంత్రి నరేంద్ర మోదీ=తోపాటు పలువురు కేంద్ర మంత్రులు, ప్రతిపక్ష నాయకులు, వివిధ రంగాల ప్రముఖులు హాజరయ్యారు. సూర్యకాంత్ పదవీకాలం 2027 ఫిబ్రవరి 9 వరకు కొనసాగుతుంది. అంటే దాదాపు 15 నెలలపాటు దేశ సీజేఐగా ఆయన బాధ్యతలు నిర్వహించనున్నారు. నవంబర్ 23తో సీజేఐ బీఆర్ గవాయ్ పదవీ విరమణ చేయడంతో, ఆ స్థానానికి సూర్యకాంత్ పేరును సూచించారు. రాజ్యాంగంలోని ఆర్టికల్ 124 క్లాజ్ (2) ప్రకారం ఆయనను తదుపరి భారత ప్రధాన న్యాయమూర్తిగా నియమించారు.
వివరాలు
సూర్యకాంత్ ప్రస్థానం..
జస్టిస్ సూర్యకాంత్ ఫిబ్రవరి 10, 1962న హర్యానాలోని సాధారణ మధ్యతరగతి కుటుంబంలో జన్మించారు. 1984లో హిసార్‌లో న్యాయవాదిగా తన వృత్తిని ప్రారంభించి, అనంతరం పంజాబ్-హర్యానా హైకోర్టులో ప్రాక్టీస్‌ చేయడానికి చండీగఢ్‌కు వెళ్లారు. జూలై 2000లో హర్యానా రాష్ట్రానికి ఇప్పటివరకూ అతి పిన్న వయస్కుడైన అడ్వకేట్ జనరల్‌గా నియమితులయ్యారు. 2001లో సీనియర్ అడ్వకేట్ హోదా అందుకున్నారు. 2004 జనవరి 9న పంజాబ్-హర్యానా హైకోర్టులో శాశ్వత న్యాయమూర్తిగా ప్రమోషన్ పొందారు. తర్వాత అక్టోబర్ 2018 నుంచి మే 24, 2019న సుప్రీంకోర్టుకు ఎదిగే వరకు హిమాచల్ ప్రదేశ్ హైకోర్టు చీఫ్ జస్టిస్‌గా విధులు నిర్వహించారు. నవంబర్ 2024 నుంచి సుప్రీంకోర్టు న్యాయ సేవల కమిటీ చైర్మన్‌గా కూడా తన సేవలను అందిస్తున్నారు.
ట్విట్టర్ పోస్ట్ చేయండి
ప్రమాణస్వీకారం చేస్తున్న సూర్యకాంత్
#WATCH | Delhi: Justice Surya Kant takes oath as the Chief Justice of India, at Rashtrapati Bhavan. President Droupadi Murmu administers the oath to him.
— ANI (@ANI) November 24, 2025
(Video: DD News) pic.twitter.com/ZGpcknj7G8