కర్ణాటక కాంగ్రెస్ చీఫ్ డీకే శివకుమార్‌ తప్పిన ప్రమాదం; హెలికాప్టర్ అత్యవసరల ల్యాండింగ్
కర్ణాటక కాంగ్రెస్ చీఫ్ డీకే శివకుమార్‌ తృటిలో ప్రమాదం తప్పింది. ఎన్నికల ప్రచారానికి ఆయన వెళ్తున్న హెలికాప్టర్‌ను హోసాకోట్‌ సమీపంలో పక్షి ఢీకొట్టిందని అధికారులు మంగళవారం తెలిపారు. దీంతో హెలికాప్టర్‌ను అత్యవసరంగా ల్యాండ్ చేసినట్లు వెల్లడించారు. ముళబాగిలులో ఎన్నికల ర్యాలీ కోసం శివకుమార్‌ వెళ్తున్న క్రమంలో ఈ ఘటన జరిగింది. ఈ ప్రమాదంలో కెమెరా పర్సన్‌కు స్వల్ప గాయాలయ్యాయి. ఈ ఘటనలో కర్ణాటక కాంగ్రెస్ చీఫ్ సురక్షితంగా బయటపడ్డారని పోలీసులు తెలిపారు. పక్షి ఢీకొనడంతో హెలికాప్టర్ విండ్ షీల్డ్ విరిగిపోయిందని పోలీసులు తెలిపారు.
