Kesineni Chinni: టీడీపీ ఎంపీ కేశినేని చిన్నిపై ఎమ్మెల్యే కొలికపూడి సంచలన ఆరోపణలు.. కలకలం రేపుతున్న వాట్సాప్ స్టేటస్
ఈ వార్తాకథనం ఏంటి
ఎన్టీఆర్‌ జిల్లా తిరువూరు ఎమ్మెల్యే కొలికపూడి శ్రీనివాసరావు,విజయవాడ ఎంపీ కేశినేని చిన్నిల మధ్య వివాదం తీవ్రమవుతోంది. మాటల పోరాటం ఇప్పుడు బ్యాంకు లావాదేవీల వరకు చేరింది.ఈ నేపథ్యంలో,కొలికపూడి వాట్సాప్ స్టేటస్ మీడియాలో హల్‌చల్ రేపుతోంది. మాజీ ఎమ్మెల్యే టికెట్ కోసం ఇచ్చిన డబ్బుల వివరాలు బయటపెడతానంటూ కొలికపూడి తన బ్యాంక్‌ స్టేట్‌మెంట్‌ను వాట్సాప్ స్టేటస్‌లో పోస్ట్ చేశారు. చిన్నికి ఇచ్చిన డబ్బుల వివరాలతో వాట్సాప్ స్టేటస్ పెట్టారు.ఈ విషయం గురించి శుక్రవారం స్పష్టంగా మాట్లాడతానని కూడా స్టేటస్‌లో పేర్కొన్నారు. అనుకున్నట్టే, శుక్రవారం పార్టీ కేంద్ర కార్యాలయం ఎన్టీఆర్‌ భవన్‌లో తిరువూరు పంచాయితీ సమావేశం జరగనుంది. ఈసమావేశంలో ఇరువురు నాయకులను పార్టీ రాష్ట్ర అధ్యక్షుడు పల్లా శ్రీనివాసరావు పిలిచి,వివాద పరిష్కారం కోసం చర్చించనున్నారని సమాచారం.
ట్విట్టర్ పోస్ట్ చేయండి
టీడీపీ ఎంపీ కేశినేని చిన్నిపై ఎమ్మెల్యే కొలికపూడి సంచలన ఆరోపణలు
బిగ్ బ్రేకింగ్
— Telugu Feed (@Telugufeedsite) October 23, 2025
ఎమ్మెల్యే టికెట్ కోసం రూ.5 కోట్లు డిమాండ్‌
టీడీపీ ఎంపీ కేశినేని చిన్నిపై ఎమ్మెల్యే కొలికపూడి సంచలన ఆరోపణలు
2024 ఎన్నికల్లో తిరువూరు టీడీపీ టికెట్ కోసం రూ.5 కోట్లు చిన్ని అడిగాడంటూ ఆరోపణలు
తన అకౌంట్ నుంచి మూడుసార్లు రూ.60 లక్షలు ట్రాన్స్ ఫర్ చేసినట్లుగా ఫేస్… pic.twitter.com/MkauXMBXqE