Formula E-Car Race: ఫార్ములా E కేసులో కీలక పరిణామం.. విజిలెన్స్ కమిషన్ సిఫారసు
ఈ వార్తాకథనం ఏంటి
ఫార్ములా E కార్ రేస్‌కు సంబంధించి నేడు ఒక కీలక పరిణామం చోటుచేసుకుంది. ఈ కేసులో విజిలెన్స్ కమిషన్ ముఖ్య నిర్ణయాలు తీసుకున్నట్లు తెలుస్తోంది. ఫార్ములా E వ్యవహారంలో కీలక పాత్ర పోషించిన ఐఏఎస్ (IAS) అధికారులు అరవింద్ కుమార్, BLN రెడ్డిలపై చర్యలు తీసుకోవాలని విజిలెన్స్ కమిషన్ సిఫారసు చేసింది. ఈ ఇద్దరు అధికారులపై ప్రాసిక్యూషన్‌కు అనుమతి ఇవ్వాలని అవినీతి నిరోధక శాఖ (ACB) ప్రభుత్వానికి నివేదిక సమర్పించింది. ఆ నివేదికపై విచారణ జరిపిన విజిలెన్స్ కమిషన్, వారి ప్రాసిక్యూషన్‌కు అనుమతి ఇచ్చింది.
Details
ఎలాంటి నిర్ణయం తీసుకొని గవర్నర్
ఈ మేరకు కమిషన్ నివేదిక ACBకి అందింది. మరోవైపు ఈ కేసులో మాజీ మంత్రి కేటీఆర్‌పై ప్రాసిక్యూషన్ కోసం ACB నివేదిక గవర్నర్ వద్ద పెండింగ్‌లో ఉంది. గవర్నర్ ఈ విషయంపై ఇంకా ఎలాంటి నిర్ణయం తీసుకోలేదు. ఈ మొత్తం వ్యవహారంలో ప్రధాన అంశాలుగా, అధికారులపై చర్యలకు విజిలెన్స్ కమిషన్ సిఫారసు చేయడం, మరియు మాజీ మంత్రిపై గవర్నర్ నిర్ణయం కోసం ఎదురుచూడటం ఉంటాయి.