Ayodhya MP Son: అయోధ్య ఎంపీ కుమారుడిపై కిడ్నాప్, దోపిడీ కేసు
ఫైజాబాద్ సమాజ్‌వాదీ పార్టీ, లోక్‌సభ ఎంపీ అవధేష్ ప్రసాద్ కుమారుడు అజిత్ ప్రసాద్‌పై కిడ్నాప్, బెదిరింపులు, దాడి ఆరోపణలపై కేసు నమోదైంది. స్థానిక ప్రాపర్టీ డీలర్ రవి తివారీ ఫిర్యాదు మేరకు ఈ కేసును నమోదు చేశారు. అజిత్ ప్రసాద్, రాజు యాదవ్, 15-20 మంది గుర్తుతెలియని వ్యక్తులు శనివారం తనపై దాడి చేసారని చెప్పారు. నిందితులు వాహనంలోకి అతన్ని లాక్కెళ్లి భౌతికంగా దాడి చేశారని రవి ఫిర్యాదులో పేర్కొన్నారు.
దాడి సందర్భంగా వీడియో రికార్డ్
తన వద్ద నుంచి బలవంతంగా రూ.1 లక్ష దోచుకున్నారని, దాడి సందర్భంగా వీడియో రికార్డ్ చేసినట్లు రవి ఆరోపించాడు. ఈ ఘటన తర్వాత రవి కొత్వాలి పోలీస్ స్టేషన్‌లో అధికారిక ఫిర్యాదు చేశారు. ఈ కేసు నేపథ్యంలో, బీజేపీ నేత అమిత్ మాల్వియా సమాజ్‌వాదీ పార్టీకుపై విమర్శలు గుప్పించారు. అజిత్ ప్రసాద్ ఫైజాబాద్ ఎంపీ అవధేష్ ప్రసాద్ కుమారుడు కావడం వల్ల ఈ ఆరోపణలు ఉద్రిక్తతకు దారితీయాయని ఆయన పేర్కొన్నారు. అయోధ్య జిల్లాలో ఫైజాబాద్ లోక్‌సభ స్థానం నుంచి గతంలో బీజేపీ ఎంపీగా గెలిచిన లల్లూ సింగ్‌ను ఓడించిన అవధేష్ ప్రసాద్ రాజకీయ దృష్టిని ఆకర్షించారు.
