KTR: 'గురి తప్పింది'.. బీఆర్ఎస్ ఓటమిపై కేటీఆర్ ఆసక్తికర ట్వీట్
తెలంగాణ అసెంబ్లీ ఎన్నికల్లో కాంగ్రెస్ పార్టీ విజయం సాధించింది. ఈ నేపథ్యంలో ఎన్నికల్లో బీఆర్ఎస్ ఓటమి దాదాపు ఖరారైంది. ఈ ఎన్నికల్లో గెలిచి హ్యాట్రిక్‌ సాధిస్తామని చెప్పిన కేసీఆర్‌కు భంగపాటు ఎదురైంది. బీఆర్ఎస్ ఓటమిపై కేటీఆర్ ట్విట్టర్ వేదికగా స్పందించారు. తెలంగాణలో ఫలితాలు నిరాశ పరిచాయన్నారు. కాంగ్రెస్ పార్టీకి అభినందనలు తెలిపారు. ఎన్నికల ఫలితాల గురించి బాధపడటం లేదని, నిరాశ మాత్రమే చెందినట్లు వెల్లడించారు. అలాగే రెండుసార్లు బీఆర్‌ఎస్‌కు అధికారం ఇచ్చిన ప్రజలకు ఆయన కృతజ్ఞతలు తెలిపారు. దీన్ని ఒక గుణపాఠంగా తీసుకొని తిరిగి పుంజుకుంటామని వెల్లడించారు. అంతేకాకుండా, శనివారం రాత్రి 3.0లోడింగ్ అంటూ ట్వీట్ చేసిన కేటీఆర్.. బీఆర్ఎస్ ఓటమి తర్వాత.. 'గురి తప్పింది' అంటూ దానికి రీట్వీట్ చేశారు.
