మధ్యప్రదేశ్: ఏడు దశాబ్దాల తర్వాత తొలిసారి భారత గడ్డపై చిరుత పిల్లల జననం
ఈ వార్తాకథనం ఏంటి
మధ్యప్రదేశ్‌లోని కునో నేషనల్ పార్క్‌లో నమీబియా చిరుతపులి 4 పిల్లలకు జన్మనిచ్చింది. కిడ్నీ వ్యాధితో ఒక చిరుత మరణించిన మూడు రోజుల తర్వాత మరో చిరుత 4 బుల్లి చిరుతలకు జన్మనిచ్చినట్లు కేంద్ర మంత్రి భూపేందర్ యాదవ్ పేర్కొన్నారు. ఈ మేరకు అతను చిరుత పిల్లల చిత్రాలను ట్విట్టర్‌లో షేర్ చేశారు. గత ఏడాది సెప్టెంబరులో ఆఫ్రికా దేశం నమీబియా నుంచి ఎనిమిది చిరుతలను కేంద్రం తీసుకొచ్చి షియోపూర్ జిల్లాలోని కేఎన్‌పీలో వదిలారు. భారతదేశంలోని చివరి చిరుత 1947లో ఛత్తీస్‌గఢ్‌లోని కొరియా జిల్లాలో మరణించింది. 1952లో దేశంలో అత్యంత పురాతనమైన జంతువు అంతరించిపోయినట్లు కేంద్రం ప్రకటించింది.
చిరుత
క్వారంటైన్‌లో 12 చిరుతలు
చిరుతలు అంతరించిపోయినట్లు ప్రకటించిన ఏడు దశాబ్దాల తర్వాత.. 'ప్రాజెక్టు చిరుత'లో భాగంగా గత ఏడాది సెప్టెంబరులో నమీబియా నుంచి ఎనిమిది చిరుతలను తీసుకొచ్చారు. గత నెలలో దక్షిణాఫ్రికా నుంచి కునో నేషనల్ పార్క్‌కు 12 చిరుతలను తీసుకొచ్చారు. ప్రస్తుతం వాటిని క్వారంటైన్ ఎన్‌క్లోజర్‌లో ఉంచారు. అవి ఆరోగ్యంగా, చురుకుగా ఉన్నాయని ఒక అధికారి తెలిపారు. ప్రపంచంలోనే అత్యంత వేగవంతమైన వేగంగా పరుగెత్తే జంతువుల సంఖ్యను వేగంగా పెంచడమే లక్ష్యంగా భారత్ పని చేస్తోంది. మొదటి బ్యాచ్‌లో వచ్చిన చిరుతలు చాలా చురుగ్గా ఉన్నాయని, సాధారణ పద్ధతిలో వేట సాగిస్తున్నాయని ప్రిన్సిపల్ చీఫ్ కన్జర్వేటర్ ఆఫ్ ఫారెస్ట్ (పిసిసిఎఫ్-వైల్డ్ లైఫ్) జేఎస్ చౌహాన్ ఒక ప్రకటనలో తెలిపారు.
ట్విట్టర్ పోస్ట్ చేయండి
చిరుత పిల్లలను ట్విట్టర్‌లో షేర్ చేసిన కేంద్ర మంత్రి భూపేందర్ యాదవ్
Congratulations 🇮🇳
— Bhupender Yadav (@byadavbjp) March 29, 2023
A momentous event in our wildlife conservation history during Amrit Kaal!
I am delighted to share that four cubs have been born to one of the cheetahs translocated to India on 17th September 2022, under the visionary leadership of PM Shri @narendramodi ji. pic.twitter.com/a1YXqi7kTt