Maharastra: విద్యార్థినులకు అసభ్యకర వీడియోలు చూపిస్తూ ఉపాధ్యాయుడు లైంగిక వేధింపులు
ఈ వార్తాకథనం ఏంటి
మహారాష్ట్రలోని అకోలా జిల్లాలో ఓ ఆశ్చర్యకరమైన ఘటన వెలుగులోకి వచ్చింది. ఇక్కడి ప్రభుత్వ పాఠశాల ఉపాధ్యాయుడు ఆరుగురు విద్యార్థినులకు అసభ్యకర వీడియోలు చూపించి వారిని లైంగికంగా వేధించినట్లు ఆరోపణలు వచ్చాయి. ఈ విషయాన్ని ఓ విద్యార్థిని తల్లిదండ్రులకు తెలియజేయడంతో ఈ ఘటన వెలుగులోకి వచ్చింది. నిందితుడిని 47 ఏళ్ల ప్రమోద్ సర్దార్‌గా గుర్తించారు. అనంతరం ప్రమోద్‌పై కేసు నమోదు చేసిన పోలీసులు అతడిని అరెస్ట్ చేశారు.
వివరాలు
అసలు ఏమి జరిగింది?
అకోలాలోని కాజీఖేడ్‌లోని జిల్లా పరిషత్ పాఠశాలలో పనిచేస్తున్న ఉపాధ్యాయుడు సర్దార్‌పై గత 4 నెలలుగా అసభ్యకరమైన వీడియోలు చూపించి, 6 మంది విద్యార్థినులను అనుచితంగా తాకినట్లు ఆరోపణలు వచ్చాయి. ఈ విషయాన్ని తన తల్లిదండ్రులకు తెలియజేయడంతో పాటు, బాధిత విద్యార్థి ఒకరు చైల్డ్ వెల్ఫేర్ కమిటీ టోల్ ఫ్రీ నంబర్‌కు ఫోన్ చేసి విషయం చెప్పింది. ఆ తర్వాత కమిటీ బృందం మంగళవారం పాఠశాలకు వెళ్లి దర్యాప్తు ప్రారంభించారు. పాఠశాలలోని విద్యార్థినులతో మాట్లాడి ఎఫ్‌ఐఆర్‌ నమోదు చేశారు.