Manipur: మణిపూర్ అల్లర్లలో సీబీఐ షాకింగ్ విషయాలు వెల్లడి.. పోలీసులపై తీవ్ర ఆరోపణలు
ఈ వార్తాకథనం ఏంటి
మణిపూర్‌లో ఇద్దరు మహిళల న్యూడ్‌ పెరేడ్‌ కేసులో సీబీఐ కీలక విషయాలను బయటపెట్టింది.
కుకీ-జోమి కమ్యూనిటీకి చెందిన ఇద్దరు మహిళలు తమ ప్రాణాలను కాపాడుకోవడానికి మణిపూర్ పోలీసుల వద్దకు వస్తే వారిని పోలీసు సిబ్బందే అల్లరిమూకలకు అప్పగించినట్లు ఛార్జిషీటులో పేర్కొనింది.
గుంపు మొదట వారిని వివస్త్రను చేసి,ఆపై మొత్తం గ్రామంలో ఊరేగించారు,అటు తరువాత వరిపొలాల్లో దారుణంగా సామూహిక అత్యాచారానికి పాల్పడారు.
ఈసంఘటన జరిగిన రెండు నెలల తర్వాత సోషల్ మీడియాలో కూడా వీడియో వైరల్ అయింది.
బాధితురాళ్లు తమను కాపాడి సురక్షిత ప్రాంతానికి తరలించాలని పోలీసులను కోరగా..'జీపు తాళాలు లేవు'అని వారు తప్పించుకున్నట్లు చెప్పుకొచ్చింది.అల్లరిమూకల చేతికి చిక్కిన మూడో మహిళ ఈ అఘాయిత్యం నుంచి త్రుటిలో తప్పించుకున్నట్లు కేంద్ర దర్యాప్తు సంస్థ తెలిపింది.
Details
హెరోదాస్ మెయిటీతో పాటు మరో ఐదుగురిపై సీబీఐ చార్జిషీట్
హుయిరేమ్ హెరోదాస్ మెయిటీతో పాటు మరో ఐదుగురిపై సీబీఐ చార్జిషీట్ దాఖలు చేసింది.
ఓ బాల నేరస్థుడిపై గువాహటిలోని సీబీఐ ప్రత్యేక జడ్జి కోర్టులో అక్టోబరు 16వ తేదీన ఛార్జిషీటు దాఖలు చేసింది.
జూలైలోనే హుయిరేమ్‌ను పోలీసులు అరెస్టు చేశారు. విశేషమేమిటంటే ఆ ఇద్దరు మహిళల్లో ఒకరి భర్త అస్సాం రెజిమెంట్‌లో సుబేదార్‌గా పనిచేసినప్పటికీ కార్గిల్ యుద్ధంలో వీరమరణం పొందాడు.
ఈ ఘటన మణిపూర్ రాజధాని ఇంఫాల్‌కు 35 కిలోమీటర్ల దూరంలోని కాంగ్‌పోక్పి జిల్లాలోని బి గ్రామంలో చోటుచేసుకుంది.
ఫెనోమ్ గ్రామపెద్ద ఇచ్చిన ఫిర్యాదు మేరకు మే 4వ తేదీ మధ్యాహ్నం 3 గంటల ప్రాంతంలో వివిధ సంస్థలతో సంబంధం ఉన్న 900-1000 మంది బి. ఫెనోమ్ బలవంతంగా గ్రామంలోకి ప్రవేశించింది.
Details
అల్లరిమూకల చేతిలో మృతి చెందిన తండ్రీకొడుకులు
వారి వద్ద AK-47 రైఫిల్స్, SL.R INSAS, 303 రైఫిల్స్ వంటి ఆధునిక ఆయుధాలు ఉన్నాయి. హింసాత్మక గుంపు అన్ని ఇళ్లను ధ్వంసం చేసింది.
ఫర్నిచర్, ఎలక్ట్రానిక్ వస్తువులు, పాత్రలు, బట్టలు, నగదుతో సహా ధాన్యాలు దోచుకున్న తర్వాత అన్ని స్థిర ఆస్తులకు నిప్పు పెట్టింది.
ఈ దాడుల్లో కుకీ తెగకి చెందిన తండ్రీకొడుకులు అల్లరిమూకల చేతిలో మృతి చెందారు.
వారి మృతదేహాలను గ్రామ సమీపంలోని నీరు లేని నదిలోకి పడేసినట్లు చెప్పారు.
మైతీ అల్లరిమూకలు పోలీస్ జీపు దగ్గరకు చేరుకోగానే బాధితులను అక్కడే వదిలేసి పోలీసులు పారిపోయినట్లు సీబీఐ తన మూడు పేజీల ఛార్జిషీటులో వెల్లడించింది.
పైగా సాయం చేయమని అర్థించిన ఓ మహిళను పోలీసులు తోసివేసినట్లు చెప్పుకొచ్చింది.