Dehradun: డెహ్రాడూన్ వరద ప్రవాహంలో బోల్తా పడిన ట్రాక్టర్‌.. 10 మంది గల్లంతు
ఈ వార్తాకథనం ఏంటి
ఉత్తరాఖండ్ రాష్ట్రంలో భారీగా కురుస్తున్న కుండపోత వర్షాల కారణంగా అనేక ప్రాంతాల్లో వరద నీరు పోటెత్తుతోంది. రాష్ట్రంలోని పలు నదులు తీవ్రంగా ఉప్పొంగి ప్రవహిస్తున్నాయి. మంగళవారం,డెహ్రాడూన్ నగరంలో ఒక నదిని దాటేందుకు ప్రయత్నిస్తున్న సమయంలో వరద నీటి ఉద్ధృతి పెరగడంతో ప్రమాదవశాత్తు నదిలో ట్రాక్టర్‌ బోల్తాపడింది. ఆ ట్రాక్టర్‌లో ఉన్న మొత్తం 10 మంది వరద నీటిలో గల్లంతైనట్లు పోలీసులు తెలిపారు. స్థానిక ప్రజలు వారిని రక్షించేందుకు కాపాడేందుకు ప్రయత్నించినప్పటికీ, దురదృష్టవశాత్తు ఎవరికీ సహాయం అందలేదు.
వివరాలు
వరదల్లో చిక్కుకున్న ఓ చిన్నారిని కాపాడిన ఎన్డీఆర్‌ఎఫ్‌ బృందాలు
పోలీసుల వివరాల ప్రకారం, ఈ ఘటన అక్కడి కూలీలు పని ముగించి ఒక ప్రాంతం నుంచి మరో ప్రాంతానికి వెళ్తుండగా చోటుచేసుకుంది. ప్రస్తుతం, గాలింపు చర్యలు సమర్ధవంతంగా కొనసాగుతున్నట్లు అధికారులు తెలియజేశారు. ఈ ప్రమాదానికి సంబంధించిన ఘోర దృశ్యాలు సోషల్ మీడియాలో భారీగా వైరల్‌గా మారాయి. మరో ప్రాంతంలో స్వర్ణ నదికి సమీపంలో వరదల్లో చిక్కుకున్న ఓ చిన్నారిని ఎన్డీఆర్‌ఎఫ్‌ బృందాలు కాపాడాయి. ఉత్తరాఖండ్ రాష్ట్రవ్యాప్తంగా కురిసిన భారీ వర్షాల కారణంగా ముఖ్యంగా దెహ్రాదూన్, ముస్సోరీ మాల్ ప్రాంతాల్లో నీట మునిగి ప్రజలు తీవ్ర ఇబ్బందుల్లో పడుతున్నారు.
వివరాలు
400 మందిని సురక్షిత ప్రాంతాలకు తరలించిన సహాయక బృందాలు
ముంపు ప్రాంతాల్లో సహాయక చర్యల భాగంగా ఇప్పటి వరకు సుమారు 400 మందిని సురక్షిత ప్రదేశాలకు తరలించినట్లు అధికారులు వెల్లడించారు. "ప్రభావిత ప్రాంతాల్లో అన్ని నదులు ఉప్పొంగిపొర్లుతున్నాయి. ముఖ్యంగా 25 నుండి 30 చోట్ల రోడ్లు పూర్తిగా తెగిపోయాయి. ఇళ్లకు, ప్రభుత్వ భవనాలకు తీవ్రమైన నష్టం కలిగింది. ఈ పరిస్థితిని అదుపులోకి తీసుకురావడానికి రెస్క్యూ బృందాలు యుద్ధ స్థాయిలో చర్యలు తీసుకుంటున్నాయి. అలాగే, రాష్ట్ర ప్రభుత్వం బాధిత కుటుంబాలకు అన్ని విధాలుగా ఆదరణ అందించనుందని హామీ ఇస్తున్నాం" అని ఉత్తరాఖండ్ ముఖ్యమంత్రి పుష్కర్ సింగ్ ధామి వెల్లడించారు.
ట్విట్టర్ పోస్ట్ చేయండి
స్వర్ణ నదికి సమీపంలో వరదల్లో చిక్కుకున్న ఓ చిన్నారిని రక్షిస్తున్న ఎన్డీఆర్‌ఎఫ్‌ బృందాలు
⛈️ #FWR Ops | Dehradun (UKD) | 16 Sep
— NDRF India I राष्ट्रीय आपदा मोचन बल 🇮🇳 (@NDRFHQ) September 16, 2025
🔸1 child trapped in the flooded midstream of Swarna River at Tharkurpur, Premnagar
🔸NDRF conducted #FWR Ops and rescued the child safely; PHT provided
🔸People in flood-prone areas are advised to stay alert & follow safety guidelines pic.twitter.com/oMCmtawmXz