తదుపరి వార్తా కథనం
Chandrababu: శ్రీమహావిష్ణువు ఆశీస్సులతో అందరికీ శుభం కలగాలి: సీఎం చంద్రబాబు
వ్రాసిన వారు
Jayachandra Akuri
Jul 06, 2025
09:32 am
ఈ వార్తాకథనం ఏంటి
తొలి ఏకాదశి పర్వదినాన్ని పురస్కరించుకుని తెలుగు ప్రజలందరికీ ముఖ్యమంత్రి నారా చంద్రబాబు నాయుడు, మంత్రి నారా లోకేశ్ శుభాకాంక్షలు తెలియజేశారు. పండుగల శ్రేణికి ఆరంభంగా భావించే ఈ పవిత్ర సందర్భంగా, శ్రీమహావిష్ణువు అనుగ్రహం అందరిపై ఉండాలని ముఖ్యమంత్రి ఆకాంక్షించారు. మంచి వర్షాలు కురిసి, పాడి పంటలు పండిపెరిగి, రాష్ట్రం ఆనందంగా విరాజిల్లాలని ఆకాంక్షించారు. ఈ సందర్భంగా మంత్రి నారా లోకేశ్ మాట్లాడుతూ, ఆషాఢ మాసంలో వచ్చే మొదటి ఏకాదశినే తొలి ఏకాదశిగా పరిగణిస్తారని, ఈ ఏకాదశి నుంచే పండుగల శుభారంభమవుతుందని గుర్తు చేశారు. శ్రీమహావిష్ణువు యోగనిద్రలోకి వెళ్లే ఈ పవిత్ర దినాన్ని ప్రజలు భక్తిశ్రద్ధలతో జరుపుకోవాలని కోరారు. శ్రీమహావిష్ణువు దీవెనలతో ప్రతి ఒక్కరూ సుఖసంతోషాలతో ఉండాలని, శాంతి, ఆనందాలు నిండాలని ఆకాంక్షించారు.