Merchant Officer: మారిషస్ సముద్రంలో భారత నేవీ అధికారి అదృశ్యం..!
ఈ వార్తాకథనం ఏంటి
మారిషస్ సమీప సముద్రంలో ఉన్న ఓ నౌకలో విధుల్లో ఉన్న భారత నేవీ అధికారి అదృశ్యమయ్యారు. ఈ ఘటనపై బాధితుడి కుటుంబ సభ్యులు కేంద్ర, రాష్ట్ర ప్రభుత్వాలు వెంటనే స్పందించాలని విజ్ఞప్తి చేశారు. అదృశ్యమైన అధికారి ఒడిశా రాష్ట్రానికి చెందిన సార్థక్ మహాపాత్రోగా గుర్తించారు. బాధితుడి కుటుంబ సభ్యుల వివరాల ప్రకారం, సార్థక్ గత ఏడాది జూలైలో ఓ ప్రైవేట్ షిప్పింగ్ కంపెనీలో ఉద్యోగం చేపట్టారు. అతను ప్రయాణిస్తున్న నౌక సింగపూర్ నుంచి చైనా వైపు తిరిగి వస్తున్నదిగా తెలిపారు. ఫిబ్రవరి 2న సార్థక్ తల్లిదండ్రులు, స్నేహితులతో వీడియో కాల్లో మాట్లాడుతూ ఉన్నాడు. అయితే, తర్వాత రోజు అతడిని సంప్రదించడానికి బాధితుడి తల్లి ప్రయత్నించినప్పటికీ ఫలితం రాలేదు.
వివరాలు
రాష్ట్ర ప్రభుత్వానికి మెయిల్
తరువాత షిప్పింగ్ కంపెనీ కుటుంబసభ్యులకు సమాచారం అందిస్తూ,సార్థక్ కన్పించడం లేదని తెలిపింది. అతడి కోసం గాలింపుచర్యలు ప్రారంభించబడినట్లు కూడా వెల్లడించింది. ఈఘటనపై స్పందించిన సార్థక్ తల్లి కేంద్ర, రాష్ట్ర ప్రభుత్వాలు వెంటనే జోక్యం చేసి, తన కుమారుడిని త్వరగా ఇంటికి తీసుకురావాలని విజ్ఞప్తి చేశారు. అలాగే,రాష్ట్ర ప్రభుత్వానికి ఈ అంశంపై మెయిల్ పంపినట్లు వెల్లడించారు.రాష్ట్ర ప్రభుత్వ అధికార వర్గాల ప్రకారం,ఈ విషయాన్ని కేంద్రంలోని సంబంధిత అధికారులు దృష్టికి తీసుకెళ్ళినట్లు తెలిపారు. ఈ ఘటనపై వెంటనే విచారణ ప్రారంభించాలని కూడా కోరారు.మరోవైపు,కంపెనీ రికార్డుల ప్రకారం సార్థక్ ఫిబ్రవరి 3న తన క్యాబిన్లోకి ప్రవేశించినట్లు ఉంది. నౌక మొత్తం తనిఖీ చేసినప్పటికీ, అతడి ఆచూకీ ఇంకా తెలియరాలేదు. ప్రస్తుతం సముద్ర ప్రాంతంలో అదనపు తనిఖీలు కొనసాగుతున్నాయి.