Mumbai: కారు బీభత్సం.. ముగ్గురు మృతి,ఆరుగురికి గాయాలు
ఈ వార్తాకథనం ఏంటి
ముంబైలోని టోల్ ప్లాజా వద్ద ఆగి ఉన్న పలు వాహనాలను అతివేగంగా నడుపుతున్న కారు గురువారం రాత్రి ఢీకొట్టడంతో కనీసం ముగ్గురు వ్యక్తులు మరణించగా,ఆరుగురు గాయపడ్డారు. కారు వర్లీ నుంచి బాంద్రా వైపు వెళ్తుండగా ఈ ప్రమాదం జరిగిందని పోలీసులు తెలిపారు. సీ లింక్‌లో టోల్ ప్లాజాకు 100 మీటర్ల ముందు ఇన్నోవా కారు మొదట మెర్సిడెస్ కారును ఢీకొట్టింది. ఆ తర్వాత మరో రెండు మూడు వాహనాలను ఢీకొట్టిందని డిసిపి కృష్ణకాంత్ ఉపాధ్యాయ తెలిపారు.
Details
గాయపడిన వారిలో ఇన్నోవా కారు డ్రైవర్
మెర్సిడెస్,ఇన్నోవా సహా ఆరు కార్లు ప్రమాదానికి గురయ్యాయని పోలీసు అధికారి తెలిపారు. ఈ ప్రమాదంలో ముగ్గురు మృతి చెందగా, ఆరుగురికి గాయాలయ్యాయి. గాయపడిన వారిలో నలుగురి పరిస్థితి నిలకడగా ఉందని, మిగిలిన ఇద్దరి పరిస్థితి విషమంగా ఉందని, తీవ్రంగా గాయపడిన వారిలో ఒకరు లీలావతి ఆసుపత్రిలో చికిత్స పొందుతున్నారని, మిగిలిన ఐదుగురు భాభా ఆసుపత్రిలో చికిత్స పొందుతున్నారని అధికారి తెలిపారు. గాయపడిన వారిలో ఇన్నోవా కారు డ్రైవర్ కూడా ఉన్నట్లు పోలీసులు తెలిపారు.