#BikeTaxiBanNako: 'మమ్మల్ని శిక్షించొద్దు'.. బైక్ ట్యాక్సీ బ్యాన్పై ముంబైలో నిరసనలు.. సోషల్ మీడియాలో హ్యాష్ట్యాగ్ వైరల్
ఈ వార్తాకథనం ఏంటి
మహారాష్ట్ర ప్రభుత్వం యాప్ ఆధారిత బైక్ ట్యాక్సీలపై నిషేధం విధించే దిశగా అడుగులు వేయడంతో ముంబైలో పెద్ద ఎత్తున వ్యతిరేక స్వరం వినిపిస్తోంది. "#BikeTaxiBanNako" అనే హ్యాష్ట్యాగ్ సోషల్ మీడియాలో వైరల్గా మారింది. రాపిడో, ఉబర్, ఓలా వంటి సంస్థల బైక్ ట్యాక్సీలపై లక్షలాది మంది ముంబై ప్రయాణికులు ఆధారపడుతున్నారని నెటిజన్లు చెబుతున్నారు. ట్రాఫిక్తో నిత్యం సతమతమయ్యే ముంబై నగరంలో బైక్ ట్యాక్సీలు వేగవంతమైన ప్రయాణానికి మంచి ప్రత్యామ్నాయంగా మారాయని అభిప్రాయపడుతున్నారు.
వివరాలు
2026 ప్రారంభంలోనే 14 ఎఫ్ఐఆర్లు
రవాణాశాఖ మంత్రి ప్రతాప్ సర్ణాయక్ ఈ సేవలపై కఠిన చర్యలకు ముందుండగా, సరైన అనుమతులు లేకపోవడం, బీమా సమస్యలు, మహిళల భద్రత వంటి అంశాలను ప్రభుత్వం ప్రధాన కారణాలుగా చెబుతోంది. కేవలం జరిమానాలతో కాకుండా, కేసులు నమోదు చేసే స్థాయికి చర్యలు తీసుకెళ్లింది. ఏప్రిల్ 2025 నుంచి మార్చి 2026 వరకు 715 రాపిడో బైక్లను గుర్తించి, 110 వాహనాలను స్వాధీనం చేసుకుని రూ.11.85 లక్షలకుపైగా జరిమానాలు విధించినట్లు సమాచారం. 2026 ప్రారంభంలోనే 14 ఎఫ్ఐఆర్లు నమోదయ్యాయి.
వివరాలు
ట్రాఫిక్లో బైక్ ట్యాక్సీలు సమయాన్ని ఆదా చేస్తున్నాయి
అయితే ఈ నిర్ణయంపై ప్రజలు తీవ్ర అసంతృప్తి వ్యక్తం చేస్తున్నారు. బైక్ ట్యాక్సీల వల్ల అనేక మంది యువతకు ఉపాధి లభించిందని, కుటుంబాల పోషణకు ఇవి సహాయపడుతున్నాయని సోషల్ మీడియాలో పోస్టులు పెడుతున్నారు. ట్రాఫిక్లో చిక్కుకుని గంటల తరబడి ప్రయాణించాల్సి వస్తున్న పరిస్థితుల్లో బైక్ ట్యాక్సీలు సమయాన్ని ఆదా చేస్తున్నాయని చెబుతున్నారు. ఐదు కిలోమీటర్ల దూరం ప్రయాణించడానికి కూడా 45 నిమిషాలు పడుతున్న ముంబైలో బైక్ ట్యాక్సీలు ప్రజలకు ఎంతో ఉపయోగకరమని అభిప్రాయపడుతున్నారు.
వివరాలు
బైక్ ట్యాక్సీలను తొలగించడం వల్ల సామాన్యుల ప్రయాణ భారం పెరుగుతుంది
ఇక ఆటో డ్రైవర్ల అధిక ఛార్జీలు, తరచూ రైడ్ క్యాన్సిలేషన్ల మధ్య బైక్ ట్యాక్సీలను నిలిపివేస్తే ప్రజలు ఇబ్బందులు పడతారని విమర్శలు వస్తున్నాయి. ప్రభుత్వం భద్రత పేరుతో నిషేధానికి ప్రయత్నిస్తున్నా, ప్రజలు మాత్రం నిషేధం కాకుండా స్పష్టమైన నియంత్రణ విధానాన్ని తీసుకురావాలని డిమాండ్ చేస్తున్నారు. బైక్ ట్యాక్సీలను పూర్తిగా తొలగించడం వల్ల ట్రాఫిక్ సమస్య తగ్గదని, సామాన్యుల ప్రయాణ భారం మాత్రం పెరుగుతుందని అభిప్రాయపడుతున్నారు.