Namibian cheetah: కునో పార్క్ వద్ద నమీబియా చిరుత మృతి.. ప్రాజెక్ట్ ప్రారంభించినప్పటి నుండి 10వ మరణం
2022 సెప్టెంబర్‌లో నమీబియా నుంచి తీసుకొచ్చిన మరో చిరుత మధ్యప్రదేశ్‌లోని కునో నేషనల్ పార్క్‌లో మరణించింది. శౌర్య మరణంతో,భారతదేశంలో పుట్టిన ఏడు పెద్ద, మూడు పిల్ల చిరుతలు మార్చి 2023 నుండి మరణించాయి. చిరుతల తరలింపును పర్యవేక్షిస్తున్నప్రాజెక్ట్ డైరెక్టర్ ఒక ప్రకటనలో,మరణానికి గల కారణాలను పోస్ట్‌మార్టం తర్వాత మాత్రమే నిర్ధారించగలమని చెప్పారు. ఈ రోజు ఉదయం 11 గంటలకు చిరుత నడకలో అస్థిరతను ట్రాకింగ్ ద్వారా గమనించామని, చిరుత బలహీనంగా ఉందని,చిరుతను బతికించేందుకు సీపీఆర్ చేసినా ప్రతిస్పందిచలేదని ఆయన వెల్లడించారు. మొత్తం 20 జంతువులను నమీబియా,దక్షిణాఫ్రికా నుండి కునో నేషనల్ పార్క్‌కు రెండు బ్యాచ్‌లలో ప్రభుత్వం ప్రాజెక్ట్ చీతా కింద తీసుకువచ్చింది.
7 దశాబ్ధాల క్రితం దేశంలో అంతరించిన చిరుతలు
మొదటి బ్యాచ్ సెప్టెంబర్ 2022, రెండవది ఫిబ్రవరి 2023. ఈ ప్రాజెక్టు ద్వారా దేశంలోని అడవుల్లో చిరుతలను ప్రవేశపెట్టడానికి కేంద్రం ప్రయత్నిస్తోంది. దాదాపుగా 7 దశాబ్ధాల క్రితం దేశంలో చిరుతలు అంతరించిపోయాయి. వీటిని మళ్లీ పెంచాలనే ఉద్దేశంతోనే ప్రాజెక్ట్ చీతాను చేపట్టారు. ఆగస్ట్ 2023లో, కునో నేషనల్ పార్క్‌లో ఆడ చిరుత 'ధాత్రి' చనిపోయింది. నాలుగు నెలల క్రితం, మార్చిలో, సాషా అనే నమీబియా చిరుత కిడ్నీ సమస్యల కారణంగా మరణించింది. మరో చిరుత, ఉదయ్ ఏప్రిల్ 13న మరణించింది. ఒక నెల తర్వాత, దక్షిణాఫ్రికా నుండి తీసుకువచ్చిన దక్ష అనే ఆడ చిరుత, సంభోగం సమయంలో రెండు మగ చిరుతలతో "హింసాత్మక పరస్పర చర్య" తర్వాత చనిపోయింది.
