రాజస్థాన్: కోటాలో మరో విద్యార్థిని ఆత్మహత్య.. ఈ ఏడాది 25వ కేసు
నేషనల్ ఎలిజిబిలిటీ కమ్ ఎంట్రన్స్ టెస్ట్ (నీట్)కు సిద్ధమవుతున్న 16 ఏళ్ల విద్యార్థిని మంగళవారం రాజస్థాన్‌లోని కోటాలో ఆత్మహత్యకు పాల్పడింది. హాస్టల్‌లోని గదిలో ఆమె మృతదేహం వేలాడుతూ కనిపించింది. మృతురాలిని రిచా సిన్హాగా గుర్తించారు. జార్ఖండ్‌లోని రాంచీకి చెందిన రిచా ప్రస్తుతం కోటలోని విజ్ఞాన్ నగర్‌లోని బ్లేజ్ హాస్టల్‌లో నివసిస్తున్నారు. ఈ ఏడాది ఎనిమిది నెలల్లోనే కోటాలో 25 మంది విద్యార్థులు ఆత్మహత్యకు పాల్పడ్డారు. జాయింట్ ఎంట్రన్స్ ఎగ్జామ్ (JEE), నేషనల్ ఎలిజిబిలిటీ-కమ్-ఎంట్రన్స్ టెస్ట్ (NEET) వంటి పోటీ పరీక్షలకు అర్హత సాధించాలనే ఆశతో ఏటా దాదాపు రెండు లక్షల మంది విద్యార్థులు కోటాకు వస్తారు.
ఈ ఏడాదిలో 25 మంది విద్యార్థుల ఆత్మహత్యలు
ఈ ఏడాది కోటాలో పోటీ పరీక్షల ఒత్తిడికి సంబంధించి 25 మంది విద్యార్థులు ఆత్మహత్యలు చేసుకున్నారని అధికారులు నివేదించారు. రాజస్థాన్ పోలీసుల సమాచారం ప్రకారం, 2022లో 15 మంది, 2019లో 18 మంది, 2018లో 20 మంది, 2017లో ఏడుగురు, 2016లో 17 మంది, 2015లో 18 మంది ఆత్మహత్యలు చేసుకున్నారు. కోవిడ్-19 మహమ్మారి కారణంగా కోచింగ్ ఇన్‌స్టిట్యూట్‌లు మూసివేయడంతో 2020, 2021లో కోటాలో విద్యార్థి ఆత్మహత్యలు నమోదుకాలేదని పోలీసులు తెలిపారు. కోటాలో ఆత్మహత్యల పరంపరపై రాజస్థాన్ పోలీసులు స్పందిస్తూ, జిల్లా యంత్రాంగం గతంలో అన్ని హాస్టల్ గదుల్లో స్ప్రింగ్‌లోడెడ్ ఫ్యాన్‌లను తప్పనిసరిగా అమర్చాలని, పేయింగ్ గెస్ట్ వసతిని తప్పనిసరి చేస్తూ ఉత్తర్వులు జారీ చేసిందని తెలిపారు.
రాజస్థాన్ కోచింగ్ ఇన్‌స్టిట్యూట్ బిల్లును పరిసలిస్తున్న కోర్ట్
ఇది ఇలా ఉండగా, రాష్ట్రంలోని కోచింగ్ ఇన్‌స్టిట్యూట్‌లలో, ముఖ్యంగా కోటాలో విద్యార్థుల ఆత్మహత్యల నివారణకు సిఫార్సులు చేయాలని రాజస్థాన్ హైకోర్టు కోరింది. పిల్లల మానసిక కౌన్సెలింగ్‌పై దృష్టి సారించాల్సిన ఆవశ్యకతను కోర్టు నొక్కి చెప్పింది. కోచింగ్ ఇన్‌స్టిట్యూట్‌ల కోసం ప్రత్యేకంగా రూపొందించిన రాజస్థాన్ కోచింగ్ ఇన్‌స్టిట్యూట్ (కంట్రోల్ అండ్ రెగ్యులేషన్) బిల్లు 2023ని ప్రవేశపెట్టడాన్ని పరిశీలిస్తోంది.
