Tirumala: టీటీడీలో నూతన విధానం.. వీఐపీ బ్రేక్ దర్శన స్లిప్‌తోనే గదుల కేటాయింపు
ఈ వార్తాకథనం ఏంటి
శ్రీవారి వీఐపీ బ్రేక్ దర్శనానికి సిఫారసు లేఖలతో వచ్చే భక్తులకు గదుల కేటాయింపు ప్రక్రియలో మార్పులు చేర్పులు తీసుకురావడం మొదలైంది.
శనివారం టీటీడీ అదనపు ఈఓ కార్యాలయంలో ఈ కొత్త విధానాన్ని ప్రారంభించారు.
ఇప్పటి వరకు భక్తులు తమకు సిఫారసు చేసిన వారి అసలు ధ్రువపత్రాలతో పాటు జిరాక్స్‌ ప్రతిని తీసుకురావాల్సి ఉండేది.
ఆ జిరాక్స్‌ ప్రతిపై గదుల కేటాయింపును స్టాంపింగ్‌ చేయించుకోవాల్సిన అవసరం ఉండేది, దీనితో భక్తులు క్యూలో ఎక్కువ సమయం వేసుకుని ఇబ్బంది పడేవారు.
Details
నూతన విధానంలో సమయం ఆదా అయ్యే అవకాశం
ఈ సమస్యను పరిష్కరించేందుకు, తితిదే అదనపు ఈఓ వెంకయ్య చౌదరి ఈ ప్రక్రియను సులభతరం చేశారు.
ఇకపై, భక్తులు తమ దర్శన ఎన్‌రోల్‌మెంట్‌ స్లిప్‌తో గదుల కేటాయింపు కేంద్రాలకు వెళ్లి, అక్కడ స్కానింగ్‌ చేస్తే నేరుగా గదులు పొందవచ్చు.
ఈ కొత్త విధానం భక్తులకు అనుకూలంగా ఉండనుందని, సమయాన్ని ఆదా చేస్తుందని అంచనా వేస్తున్నారు.