TTD: ఆలయ పవిత్రత కాపాడేందుకు తిరుమలలో కొత్త నిబంధనలు.. రాజకీయ ప్రసంగాలపై నిషేధం
ఈ వార్తాకథనం ఏంటి
తిరుమల శ్రీవారి ఆలయ పవిత్రతను, ఆధ్యాత్మిక ప్రశాంత వాతావరణాన్ని కాపాడేందుకు తిరుమల తిరుపతి దేవస్థానం కీలక నిర్ణయం తీసుకుంది.
ఆలయ పరిసరాల్లో రాజకీయ ప్రసంగాలు, ద్వేషపూరిత వ్యాఖ్యలను నిషేధిస్తూ ఇటీవల బోర్డు తీర్మానం చేసింది.
తిరుమలలో దర్శనానికి వచ్చే కొందరు రాజకీయ నాయకులు, మీడియాతో మాట్లాడే సందర్భాల్లో ఆధ్యాత్మికతకు సంబంధించిన విషయాల కంటే రాజకీయ విమర్శలు, వ్యక్తిగత వ్యాఖ్యానాలకు ఎక్కువ ప్రాధాన్యత ఇస్తున్నారు.
ఇది ఆలయ ప్రాంగణంలోని ఆధ్యాత్మిక వాతావరణానికి భంగం కలిగించే పరిస్థితిని తలెత్తిస్తోంది.
తాజాగా అమల్లోకి వచ్చిన ఈ నిషేధం ప్రకారం, తిరుమలలో రాజకీయ, ద్వేషపూరిత ప్రసంగాలు చేయడం పూర్తిగా నిషిద్ధం.
ఎవరు ఈ నిబంధనలను ఉల్లంఘించినా చట్టపరమైన చర్యలు తీసుకుంటామని తిరుమల తిరుపతి దేవస్థానం స్పష్టం చేసింది.
Details
ఆలయ పవిత్రతను కాపాడేందుకు సహకరించాలి
ఆలయ పరిసరాల్లో పుణ్యక్షేత్రం గౌరవానికి భంగం కలిగే ప్రవర్తనను సహించమని తితిదే అధికారులు హెచ్చరించారు.
తిరుమల పుణ్యక్షేత్రం లక్షలాది భక్తుల ఆధ్యాత్మిక కేంద్రం. ఇక్కడ భక్తులు ఆధ్యాత్మిక శాంతిని పొందడానికి వస్తారు.
అలాంటి ప్రదేశంలో రాజకీయ విమర్శలు, వివాదాస్పద వ్యాఖ్యలు భక్తుల భావాలకు నష్టం కలిగించే అవకాశముంది. ఈ కారణంగా తితిదే ఈ కఠిన నిర్ణయం తీసుకుంది.
తితిదే తీసుకున్న ఈ నిర్ణయాన్ని భక్తులు, రాజకీయ నాయకులు సమర్థించి, ఆలయ పవిత్రతను కాపాడేందుకు సహకరించాలని కోరింది.
ఈ కొత్త నిబంధనలు అమలులోకి వచ్చిన తర్వాత తిరుమలలో ఆధ్యాత్మిక వాతావరణం మరింత పటిష్టంగా ఉంటుందని తితిదే ఆశాభావం వ్యక్తం చేస్తోంది.