Delhi blast: దిల్లీ బ్లాస్ట్‌ ఉగ్రకుట్ర సీన్ రీక్రియేషన్.. అల్-ఫలా విశ్వవిద్యాలయానికి డాక్టర్ షాహిన్
ఈ వార్తాకథనం ఏంటి
దిల్లీ పేలుడు కేసు నేపథ్యంలో జాతీయ దర్యాప్తు సంస్థ (NIA) తన విచారణను మరింత వేగవంతం చేసింది. ఫరీదాబాద్‌లో జరిగిన ఉగ్ర పన్నాగంలో ప్రమేయం ఉన్నట్లు భావిస్తున్న డాక్టర్ షాహిన్‌ను, కేసులో గుర్తించిన నిందితులతో సంబంధం ఉన్న అల్-ఫలా విశ్వవిద్యాలయానికి సీన్ రీక్రియేషన్ కోసం NIA అధికారులు తీసుకెళ్లారు. ఉగ్రకుట్రపై జరుగుతున్న విస్తృత దర్యాప్తులో భాగంగా ఇప్పటివరకు అరెస్టయిన ఏడుగురు నిందితులను లఖ్‌నవూ, కాన్పూర్, సహరన్‌పూర్, ఫరీదాబాద్, జమ్మూ-కాశ్మీర్ వంటి ప్రాంతాలకు తీసుకెళ్లే అవకాశం ఉందని సమాచారం.
వివరాలు
తదుపరి విచారణ కోసం లఖ్‌నవూ, కాన్పూర్
అల్-ఫలా క్యాంపస్‌లో దర్యాప్తు అనంతరం, డాక్టర్ షాహిన్‌ను తదుపరి విచారణ కోసం లఖ్‌నవూ, కాన్పూర్‌లకు తరలించాలని అధికారులు నిర్ణయించినట్లు తెలుస్తోంది. అనుమానితులకు ఆయా ప్రదేశాల్లోని వ్యక్తులతో ఉన్న పరిచయాలు, ఎవరెవరు వారికి సహకరించారు అనే అంశాలు వెలికి తేల్చడానికి ఈ చర్యలు తీసుకుంటున్నట్టు దర్యాప్తు అధికారులు వెల్లడించారు. ఈ ఉగ్ర నెట్‌వర్క్‌కు మరికొందరు వైద్యులతో కూడా సంబంధాలు ఉండవచ్చని అనుమానిస్తున్నారు.