Tribute At Ntr Ghat: ఎన్టీఆర్ ఘాట్ వద్ద నివాళులర్పించిన బాలకృష్ణ, జూనియర్ ఎన్టీఆర్
ఈ వార్తాకథనం ఏంటి
ఈ రోజు ప్రముఖ నటుడు,తెలుగుదేశం పార్టీ వ్యవస్థాపకుడు,దివంగత మాజీ ముఖ్యమంత్రి ఎన్.టి.రామారావు 27వ వర్ధంతి.
ఈ సందర్భంగా నటులు జూనియర్ ఎన్టీఆర్,కళ్యాణ్ రామ్ హైదరాబాద్‌లోని హుస్సేన్‌సాగర్‌ ఒడ్డున ఉన్నఎన్టీఆర్‌ ఘాట్ వద్ద తెల్లవారుజామున పూలమాలలు వేసి నివాళులర్పించారు.
భారీ సంఖ్యలో జూనియర్ ఎన్టీఆర్ అభిమానులు గుమిగూడడంతో వారిని అదుపు చేసేందుకు భద్రతా సిబ్బంది తీవ్ర ఇబ్బందులు పడ్డారు.
ఆంధ్రప్రదేశ్‌లో తెలుగుదేశం పార్టీ(టీడీపీ)ఎమ్మెల్యేగా ఉన్న బాలకృష్ణ కూడా తన తండ్రికి నివాళులర్పించారు.ఆయన వెంట ఆయన సోదరుడు ఎన్.రామకృష్ణ, ఇతర కుటుంబ సభ్యులు ఉన్నారు.
Details
పార్టీ పెట్టిన తొమ్మిది నెలల్లోనే అధికారంలోకి..
ఎన్టీఆర్ ప్రజలకు, ముఖ్యంగా పేద, బడుగు వర్గాల ప్రజలకు సేవ చేసేందుకు అంకితమయ్యారని బాలకృష్ణ అన్నారు.
ప్రజల గుండెల్లో ఎన్టీఆర్ ఎప్పటికీ నిలిచి ఉంటారని అన్నారు. తెలుగువారి ఆత్మగౌరవం కోసం పోరాడి ప్రపంచవ్యాప్తంగా గుర్తింపు తెచ్చిన ఘనత ఎన్టీఆర్‌దేనని అన్నారు.
సినిమాల్లో, రాజకీయాల్లో ఎన్టీఆర్ చేసిన సేవలు ఎప్పటికీ గుర్తుంటాయని బాలకృష్ణ అన్నారు.
తెలుగువారి ఆత్మగౌరవం నినాదంతో 1982లో టీడీపీని ప్రారంభించిన దిగ్గజ నటుడు ఎన్టీఆర్.
అవిభాజ్య ఆంధ్రప్రదేశ్‌లో కాంగ్రెస్‌ పాలనకు స్వస్తి పలికి తొమ్మిది నెలల్లోనే అధికారంలోకి వచ్చి రికార్డు సృష్టించారు.
ఆయన అల్లుడు చంద్రబాబు నాయుడు తిరుగుబాటు చేసి ముఖ్యమంత్రి అయిన కొద్ది నెలలకే 1996 జనవరి 18న మరణించారు.