తదుపరి వార్తా కథనం
Bhadrachalam: భద్రాచలం వద్ద గోదావరి ఉధృతి.. మొదటి ప్రమాద హెచ్చరిక జారీ
వ్రాసిన వారు
Sirish Praharaju
Sep 05, 2024
09:58 am
ఈ వార్తాకథనం ఏంటి
కాళేశ్వరం వైపు నుంచి భారీ వరద ప్రవాహం కారణంగా భద్రాచలం వద్ద గోదావరి నది మళ్లీ ఉప్పొంగుతోంది.
మంగళవారం రాత్రి నీటిమట్టం 41అడుగులు ఉన్నప్పటికీ,బుధవారం మధ్యాహ్నం 1 గంటకు ఇది 43 అడుగులకు చేరింది.
ఈ నేపథ్యంలో,మొదటి ప్రమాద హెచ్చరికను జారీ చేసినట్లు జిల్లా కలెక్టర్ జితేశ్ వి పాటిల్ ప్రకటించారు.
సాయంత్రం 4గంటల సమయంలో వరద నీటిమట్టం 44.1 అడుగులకు చేరింది.దీంతో,భద్రాచలం కరకట్ట వద్ద యాత్రికుల రాకను పోలీసులు నిలిపివేశారు.
గత జులై 27న ఈ ప్రాంతంలో వరద 53.9అడుగులకు చేరినప్పుడు మూడో ప్రమాద హెచ్చరికను జారీచేయాల్సి వచ్చింది.
ఆ వరదతో గోదావరి తీర ప్రాంతాలు దెబ్బతిన్నాయి.ఇప్పుడు పరిస్థితి కొంచెం కొంచెంగా మెరుగవుతున్నప్పటికీ,మళ్లీ వరద వచ్చే అవకాశంతో ప్రజలు,రైతులు ఆందోళన చెందుతున్నారు.