India: ప్రగల్భాలు పలికి.. చర్చలకు రాక భయపడిన పాక్.. అసలు నిజాన్ని వెల్లడించిన భారత్!
ఈ వార్తాకథనం ఏంటి
పాకిస్థాన్‌ (Pakistan) మరోసారి తన వక్రబుద్ధిని బయటపెట్టింది. యూకేలో జరగాల్సిన ప్రముఖ చర్చలో ఇండియా (India) చివరి నిమిషంలో పాల్గొనలేదంటూ తప్పుడు ప్రచారం మొదలుపెట్టగా... దీనిని భారత్ గట్టిగా ఖండించింది. నిజానికి అసలు విషయం పూర్తి భిన్నంగా ఉందని తాజా వివరాలు బయటపడ్డాయి. యూకేలోని ఆక్స్‌ఫర్డ్‌ యూనియన్‌లో గురువారం భారత-పాక్ ప్రతినిధులు పాల్గొనే చర్చ(Oxford Union debate) ఏర్పాటు చేశారు. భారత్ తరఫున మాజీ ఆర్మీ చీఫ్‌ జనరల్‌ ఎం.ఎం. నరవాణే, మాజీ కేంద్రమంత్రి సుబ్రమణియన్‌ స్వామి, రాజస్థాన్‌ మాజీ ఉప ముఖ్యమంత్రి సచిన్‌ పైలట్‌ పాల్గొనాల్సి ఉంది. పాకిస్థాన్‌ నుంచి మాజీ విదేశాంగ మంత్రిణి హీనా రబ్బానీ, యూకే రాయబారి మొహమ్మద్‌ ఫైసల్‌, రిటైర్డ్‌ జనరల్‌ జుబైరా మహమూద్‌ హయత్‌లు హాజరుకానున్నారు.
Details
తప్పుడు ప్రకటనలు చేసిన పాక్
అయితే చర్చకు భారత్ ప్రతినిధులు హాజరుకాలేదంటూ, 'చివరి నిమిషంలో భారత్ వెనుదిరిగింది' అనే తప్పుడు ప్రకటనను యూకేలోని పాకిస్థాన్‌ రాయబార కార్యాలయం ఎక్స్‌ (X) లో ప్రచారం చేసింది. 'పాకిస్థాన్‌ బృందం లండన్‌లో సిద్ధంగా ఉంది. కానీ భారత బృందం పాల్గొనబోమని ఆక్స్‌ఫర్డ్‌ యూనియన్‌ నిర్వాహకులు తెలిపారు. కారణాలు చెప్పలేదని వారు పోస్టు చేశారు. ఈ అబద్ధపు ప్రచారాన్ని భారత్‌కు చెందిన సీనియర్‌ న్యాయవాది సాయి దీపక్‌ (Sai Deepak) బలంగా ఖండించారు. పాకిస్థాన్‌ ఎప్పటికప్పుడు తప్పుడు ప్రచారాలతోనే ముందుకు సాగుతుందని ఆయన విమర్శించారు. నరవాణే, సుబ్రమణియన్‌ కొద్దిపాటి కారణాల వల్ల చర్చకు హాజరుకాలేకపోతుండడంతో, ప్రత్యామ్నాయ బృందం పంపించాల్సిందిగా యూనియన్‌ నిర్వాహకులు తనను సంప్రదించారని సాయి దీపక్‌ వివరించారు.
Details
డిబెట్ అగిపోయింది
తాను వెంటనే యూకేకు వెళ్లి మరో బృందాన్ని సిద్ధం చేసి, చర్చకు పూర్తిగా రెడీ అయ్యానని ఆయన తెలిపారు. అయితే నిర్ణయించుకున్న సమయానికి కొన్ని గంటల ముందు యూనియన్‌ అధికారులు ఫోన్‌ చేసి... పాకిస్థాన్‌ బృందం యూకేకు రాలేదని తెలిపారు. దీంతో డిబేట్‌ ఆగిపోయిందని, ఇది తమను తీవ్రంగా నిరాశకు గురిచేసిందని సాయి దీపక్‌ పేర్కొన్నారు. పాకిస్థాన్‌ బృందం చర్చకు పాల్గొనడానికి భయపడి వెనక్కి తగ్గిందని, పిల్లల మాదిరిగా దాక్కుందని ఆయన ఎద్దేవా చేశారు. నిజంగా వారు యూకేలోనే ఉన్నారనుకుంటే... తమతో చర్చకు హాజరుకావాలని సాయి దీపక్‌ సవాల్‌ విసిరారు. ఆయన వివరణతో పాక్ చేస్తున్న ప్రచారం మరోసారి అబద్ధమని స్పష్టమైంది.