PM Modi: ఢిల్లీ-డెహ్రాడూన్ ఎక్స్ప్రెస్వేను ప్రారంభించిన మోదీ.. భారీగా తగ్గనున్న ప్రయాణ సమయం
ఈ వార్తాకథనం ఏంటి
ప్రధాని నరేంద్ర మోదీ ఢిల్లీ-డెహ్రాడూన్ మధ్య నిర్మితమైన కొత్త వేగవంత రహదారిని జాతికి అంకితం చేశారు. ఉత్తర భారతదేశంలో అనుసంధానాన్ని బలోపేతం చేసే ఈ కీలక మార్గాన్ని ప్రారంభించిన అనంతరం సహారన్పూర్లో ప్రజలను ఉద్దేశించి రోడ్షో నిర్వహించారు. మోదీని చూడటానికి భారీగా ప్రజలు తరలివచ్చి ఉత్సాహం వ్యక్తం చేశారు. మొత్తం 210 కిలోమీటర్ల పొడవు కలిగిన ఈ కొత్త మార్గం ప్రారంభంతో ఢిల్లీ నుంచి డెహ్రాడూన్కు ప్రయాణ సమయం గణనీయంగా తగ్గనుంది. ఇంతకు ముందు సుమారు ఆరు గంటలు పట్టే ప్రయాణం ఇక రెండున్నర నుంచి మూడు గంటల్లో పూర్తయ్యే అవకాశం ఉంది. ప్రకృతి సంరక్షణతో పాటు ఆధునిక నిర్మాణ సాంకేతికతను సమన్వయం చేసిన ఈ ప్రాజెక్టు ప్రత్యేకతను సంతరించుకుంది.
వివరాలు
చార్ ధామ్ యాత్రకు వెళ్లే భక్తులకు కూడా సౌలభ్యం
రాజాజీ టైగర్ నేషనల్ పార్క్ మీదుగా వెళ్లే ఆసియాలోనే అత్యంత పొడవైన 12 కిలోమీటర్ల గ్రీన్ ఎలివేటెడ్ వన్యప్రాణి కారిడార్ ఉంది. ఈ ఎక్స్ప్రెస్వే రహదారి ఢిల్లీ, ఉత్తర ప్రదేశ్, ఉత్తరాఖండ్ రాష్ట్రాలను అనుసంధానిస్తుంది. దీని ద్వారా పర్యాటక రంగానికి ఊతమిచ్చి డెహ్రాడూన్, మసూరీ వంటి ప్రాంతాలకు ప్రయాణం మరింత సులభతరం కానుంది. అలాగే చార్ ధామ్ యాత్రకు వెళ్లే భక్తులకు కూడా సౌలభ్యం కలగనుంది. ఇక ఈ మార్గం ఇతర ప్రధాన రహదారులతో కూడా అనుసంధానించబడింది. యమునా వేగవంత రహదారితో పాటు జాతీయ, రాష్ట్ర రహదారులతో నేరుగా కలుపబడింది.
వివరాలు
ఢిల్లీ-డెహ్రాడూన్ ఎక్స్ప్రెస్వే ప్రత్యేకతలు ఇవే..
210 కిలోమీటర్ల పొడవైన అత్యాధునిక గ్రీన్ఫీల్డ్ ఎక్స్ప్రెస్వే సుమారు రూ.11,970 కోట్ల వ్యయం ఆసియాలోనే అతిపెద్ద హరిత ఎలివేటెడ్ కారిడార్, 12 కిలోమీటర్ల పొడవు మార్గం పొడవునా సీసీటీవీ కెమెరాలు, సోలార్ లైట్లు, పచ్చదనం