Garbo Song : దేశంలో శరన్నవరాత్రుల సందడి.. మోదీ రాసిన 'గర్బా' పాట విడుదల
భారతదేశంలో దసరా నవరాత్రి 2023 సందడి మొదలైంది. గుజరాతీలు ఏటా శరన్నవరాత్రులను ఘనంగా నిర్వహిస్తారు.ఈ నేపథ్యంలోనే 'గర్బా' సంప్రదాయ నృత్యంతో అమ్మవారిని స్తుతిస్తారు. నవరాత్రి ఉత్సవాలకు ముందు గర్బా పాటతో కూడిన ఓ వీడియో రిలీజ్ అయ్యింది. అయితే ఇందులోని పాటలను రాసింది మాత్రం సాక్షాత్తు ప్రధాని నరేంద్ర మోదీ కావడం విశేషం. 'గార్బో' పేరిట సిద్ధమైన ఈ పాటకు తనిష్క్‌ బాగ్చీ బాణీలు అందించగా, ధ్వని భానుశాలీ ఆలపించారు. పాట విడుదలైనట్లు ధ్వని చేసిన ట్వీట్ కు స్పందించిన ప్రధాని, పాట రూపకల్పనలో భాగమైనవారికి కృతజ్ఞతలు చెప్పారు. అప్పట్లో తానే ఈ పాటను రాసినట్లు మోదీ గుర్తుచేసుకున్నారు. తానో కొత్త గర్బా పాట రాశానని, ఈ నవరాత్రుల్లోనే దాన్ని విడుదల చేస్తాన్నారు.
