Telangana: ప్రధానమంత్రి ఆవాస్‌ యోజన.. పీఎంఏవై-జీ సర్వే గడువు రాష్ట్రానికి పొడిగింపు
ఈ వార్తాకథనం ఏంటి
కేంద్ర ప్రభుత్వం,పేదల కోసం ప్రధానమంత్రి ఆవాస్‌ యోజన.. గ్రామీణం (పీఎంఏవై-జీ) పథకం కింద ఇళ్ల నిధులు ఇవ్వడానికి చేపట్టే సర్వే గడువును ప్రత్యేకంగా తెలంగాణ రాష్ట్రానికి మాత్రమే పొడిగించింది. ముందుగా అన్ని రాష్ట్రాలకు ఈ సర్వే పూర్తి చేసుకోవడానికి గడువు ఆగస్టు 3 వరకు, ఆ తర్వాత సెప్టెంబరు 2 వరకు కేటాయించబడింది. కానీ తెలంగాణలో సర్వే పూర్తిగా పూర్తవకపోవడంతో, ఈ నెల 30 వరకు సర్వే పూర్తి చేయాలని కేంద్రం సూచిస్తూ, తెలంగాణ రాష్ట్రానికి మాత్రమే గడువు పొడిగింపును ప్రకటించింది.
వివరాలు
పథకం నేపథ్యం:
2016లో కేంద్ర ప్రభుత్వం పేదల కోసం పీఎంఏవై-జీ పథకాన్ని ప్రవేశపెట్టింది. ఆ సమయంలో, తెలంగాణ రాష్ట్ర ప్రభుత్వం దీనిని అమలు చేయలేదు. తరువాత, కాంగ్రెస్ ప్రభుత్వం వచ్చి ఇందిరమ్మ ఇళ్ల పథకాన్ని ప్రారంభించింది. ఈ పథకం కోసం ప్రత్యేకంగా ఒక యాప్ రూపకల్పన చేసి, దానిలోనే లబ్ధిదారుల సర్వే చేపట్టారు.
వివరాలు
సర్వే, నిధుల మంజూరు:
ఈ సర్వే వివరాల ఆధారంగా పేదల ఇళ్లకు నిధులు ఇవ్వమని రాష్ట్ర ప్రభుత్వం కేంద్రానికి విజ్ఞప్తి చేసింది, కానీ కేంద్రం అంగీకరించలేదు. అందువల్ల, ప్రతి లబ్ధిదారుని వివరాలను ఆవాస్‌ ప్లస్‌ యాప్ ద్వారా హౌసింగ్‌ శాఖ నమోదు చేస్తోంది. గడువు పొడిగింపుతో, L-1 జాబితాలో (సొంత స్థలం ఉన్న, ఇళ్ల లేని) గ్రామీణ ప్రాంత లబ్ధిదారుల మొత్తం 19.02 లక్షల మందిను సర్వే చేయాలని నిర్ణయించింది. కేంద్రం ఎంచుకున్న ప్రతి లబ్ధిదారుని ఇంటికి రూ. 72,000/- నిధులు అందజేస్తోంది.