అమెరికా కాంగ్రెస్‌లో రెండోసారి ప్రసంగించనున్న ప్రధాని మోదీ; తొలి భారతీయుడిగా రికార్డు
ఈ వార్తాకథనం ఏంటి
అమెరికా అధ్యక్షుడు జో బైడెన్, ప్రథమ మహిళ జిల్ బైడెన్ ఆహ్వానం మేరకు ప్రధాని నరేంద్ర మోదీ జూన్ 21 నుంచి జూన్ 24 వరకు అగ్రరాజ్యంలో పర్యటించనున్నారు.
ఈ క్రమంలో ప్రధాని మోదీకి ఘనస్వాగతం పలికేందుకు భారతీయ అమెరికన్లు సిద్ధమవుతున్నారు.
మోదీ పర్యటన సందర్భంగా వేలాది మంది ప్రవాస భారతీయులు వాషింగ్టన్‌కు తరలిరానున్నారు.
అమెరికా పర్యటన సందర్భంగా మోదీ ఆ దేశ కాంగ్రెస్‌లో ప్రసంగించనున్నారు.
గతంలో కూడా మోదీ అమెరికా కాంగ్రెస్‌లో ప్రసంగించారు. దీంతో అగ్రరాజ్య కాంగ్రెస్‌లో రెండు సార్లు ప్రసంగించిన తొలి భారత ప్రధానిగా మోదీ రికార్డు సృష్టించనున్నారు.
మోదీ
మోదీ స్వాగతం పలికే సమయంలో 7వేల మంది ప్రవాసులు
అమెరికా కాంగ్రెస్‌లో ప్రాధాని మోదీ రెండో సారి ప్రసంగించడం ద్వారా ఇరు దేశాల మధ్య సంబంధాల చారిత్రక ప్రాముఖ్యతను ఈ ఘట్టం సూచిస్తుందని నిపుణులు చెబుతున్నారు.
ప్రధాని పర్యటన సందర్భంగా వాషింగ్టన్‌లోని విల్లార్డ్ ఇంటర్‌కాంటినెంటల్ ఎదురుగా వైట్ హౌస్ సమీపంలోని ఫ్రీడమ్ ప్లాజా కశ్మీర్ నుంచి కన్యాకుమారి వరకు అన్ని భారతీయ సాంస్కృతిక కార్యక్రమాల స్వరూపాన్ని ప్రదర్శించడానికి తాము ప్రణాళికను సిద్ధం చేసినట్లు బీజేపీ-యూఎస్ఏ ఓవర్సీస్ ఫ్రెండ్స్ అధ్యక్షుడు అడపా ప్రసాద్ తెలిపారు.
జూన్ 22న గౌరవ వందనం మధ్య ప్రెసిడెంట్ బైడెన్, ప్రథమ మహిళ ప్రధాని మోదీకి స్వాగతం పలికే సమయంలో 7,000 మంది భారతీయ అమెరికన్లు వైట్ హౌస్ సౌత్ లాన్‌లలో ఉండేలా ప్లాన్ చేస్తున్నారు.