మే 8న హైదరాబాద్‌కు రానున్న ప్రియాంక గాంధీ
ఈ వార్తాకథనం ఏంటి
ఏఐసీసీ నాయకురాలు ప్రియాంక గాంధీ వాద్రా హైదరాబాద్ పర్యటన షెడ్యూల్ ఖరారైనట్లు తెలుస్తోంది. ఆమె మే 8న నగరంలో పర్యటిస్తారని కాంగ్రెస్ వర్గాలు తెలిపాయి. టీఎస్‌పీఎస్సీ ప్రశ్నాపత్రాల లీకేజీ వ్యవహారాల నేపథ్యంలో సరూర్‌నగర్‌ మైదానంలో ఏర్పాటు చేసిన నిరుద్యోగ నిరసన సభలో ఆమె ప్రసంగించనున్నారు. టీపీసీసీ నేతలు ఇప్పటికే పర్యటనకు ఏర్పాట్లు పూర్తి చేశారు. బీఆర్‌ఎస్ వైఫల్యాలను ఎండగట్టేందుకు రాష్ట్ర కాంగ్రెస్ ఏర్పాటు చేసిన సభలో ప్రియాంక గాంధీ పాల్గొననున్నారు.
ప్రియాంక గాంధీ
కర్ణాటక అసెంబ్లీ ఎన్నికల ప్రచారంలో ప్రియాంక గాంధీ బిజీ
తెలంగాణ కాంగ్రెస్ నేతలు తొలుత మే 4 లేదా 5 తేదీల్లో సరూర్‌నగర్‌లో సభను నిర్వహించాలని అనుకున్నారు. ఆ సభకు ప్రియాంక గాంధీ పాల్గొంటారని నాయకులు అధికారంగా కూడా ప్రకటించారు. అయితే కర్ణాటక అసెంబ్లీ ఎన్నికల నేపథ్యంలో ప్రియాంక గాంధీ బిజీ షెడ్యూల్‌లో ఉన్నారు. అందుకే ప్రియంక గాంధీ పర్యటనను వాయిదా వేశారు. మే 8న కర్ణాటక ఎన్నికల ప్రచారం ముగుస్తుంది. ఆ రోజన దిల్లీకి తిరుగు ప్రయాణ అయ్యే క్రమంలో అమె హైదరాబాద్‌కు రానున్నట్లు తెలుస్తోంది.