AP Rains: ఆల్పపీడనం ప్రభావంతో కోస్తా జిల్లాల్లో మళ్లీ వర్షాలు.. రైతులకు హెచ్చరికలు
ఆగ్నేయ బంగాళాఖాతంలో సోమవారం అల్పపీడనం ఏర్పడింది. ఇది క్రమంగా వాయుగుండంగా మారే అవకాశముంది. వాతావరణ శాఖ ప్రకారం, ఈ వాయుగుండం తమిళనాడు తీరానికి దగ్గరగా వెళ్లే అవకాశం ఉంది. దీంతో తమిళనాడులో గురువారం వరకు భారీ నుంచి అతి భారీ వర్షాలు కురిసే అవకాశం ఉంది. 24 వరకు రాష్ట్రంలోని వివిధ ప్రాంతాల్లో విస్తారంగా వర్షాలు కురుస్తాయని వాతావరణ నిపుణులు అంచనా వేస్తున్నారు. ఏపీలో కోస్తా, విశాఖపట్నం, విజయనగరంలో 19న భారీ వర్షాలు కురిసే అవకాశం ఉందని వాతావరణ శాఖ తెలిపింది. ఆ తరువాత దక్షిణ కోస్తాలో వర్షాలు తగ్గి, అక్కడక్కడా వర్షాలు కురిసే అవకాశముంది.
16, 17న రాయలసీమలో భారీ వర్షాలు
16, 17న శ్రీకాకుళం, విజయనగరం, విశాఖపట్నం, నెల్లూరు, తిరుపతి, శ్రీపొట్టిశ్రీరాములు, నెల్లూరు, రాయలసీమలో భారీ వర్షాలు కురిసే అవకాశం ఉందని వాతావరణ శాఖ పేర్కొంది. ఈ అల్పపీడనం ప్రభావం తమిళనాడుపై ఎక్కువగా ఉండే అవకాశం ఉంది. సముద్ర ఉపరితల ఉష్ణోగ్రతలు 28-30 డిగ్రీల మధ్య ఉన్నట్లు వాతావరణ నిపుణులు చెప్పారు. వాయుగుండం తమిళనాడుకు సమీపించకముందే వర్షాలు ఎక్కువగా కురియవచ్చని అంచనా వేస్తున్నారు. ఈ పరిస్థితుల నేపథ్యంలో రైతులు అప్రమత్తంగా ఉండాలని వాతావరణ శాఖ సూచించింది.
