రానున్న 5 రోజులు తెలంగాణకు భారీ వర్ష సూచన... ఎల్లో అలెర్ట్ జారీ
రానున్న 5 రోజుల్లో తెలంగాణలో భారీ వర్షాలు కురవనున్నాయి. ఈ మేరకు హైదరాబాద్ వాతావరణ కేంద్రం ప్రకటించింది. ఇప్పటికే గత రెండు, మూడు రోజులుగా రాష్ట్రంలోని పలు చోట్ల వర్షాలు కురుస్తున్నాయి. ఈ క్రమంలోనే మంగళవారం వరకు పలు జిల్లాల్లో భారీ వర్షాలు పడనున్నట్లు హెచ్చరికలు జారీ చేస్తూ హై అలర్ట్ సూచించింది. మరికొన్ని జిల్లాల్లో ఉరుములు, మెరుపులతో కూడిన వానలు పడనున్నట్లు పేర్కొంది. అక్టోబర్ 3 వరకు భారీ వర్షాలున్న నేపథ్యంలో వాతావరణ శాఖ ఎల్లో అలెర్ట్ జారీ చేసింది. మరోవైపు హైదరాబాద్ మహానగరంలో ఆకాశం మేఘావృతమై ఉంటుందని, దీంతో వర్షాలు దంచికొట్టనున్నట్లు వివరించింది. ప్రజలంతా భారీ వర్షాల నేపథ్యంలో అప్రమత్తంగా ఉండాలని హెచ్చరికలు జారీ చేసింది.
