భారత గూఢాచారి విభాగం 'రా' అధిపతిగా రవి సిన్హా నియామకం
ఈ వార్తాకథనం ఏంటి
భారత గూఢచారి విభాగం 'రా' (రీసెర్చ్ అండ్ అనాలసిస్ వింగ్) కొత్త చీఫ్ గా రవి సిన్హా నియమితులయ్యారు.
1988 బ్యాచ్ కు చెందిన ఐపీఎస్ అధికారి రవి సిన్హా, చత్తీస్ గఢ్ క్యాడర్ కు చెందినవారు. గడిచిన 7 సంవత్సరాలుగా 'రా' ఆపరేషనల్ వింగ్ అధిపతిగా విధులు నిర్వర్తిస్తున్నారు.
విదేశాల్లో భారత్ తరఫున గూఢచర్యం, నిఘా వ్యవహారాల్లో రవి సిన్హా పెట్టింది పేరు. ఈ మేరకు ఇండియన్ గూఢాచారి సంస్థకు కొత్త సారథిగా రవి సిన్హా నియామకంపై కేంద్ర మంత్రుల కమిటీ ఆమోదించింది.
సిన్హా ప్రస్తుతం క్యాబినెట్ సెక్రటేరియట్ లో స్పెషల్ సెక్రటరీగా విధులు కొనసాగిస్తున్నారు.
DETAILS
సిన్హాకు సంబంధించిన వివరాలన్నీ గోప్యమే
ఇప్పటివరకు రీసెర్చ్ అండ్ అనాలసిస్ వింగ్ బాస్ గా వ్యవహరించిన సమంత్ కుమార్ గోయల్ త్వరలోనే రిటైర్ కాబోతున్నారు.
ఇప్పటికే ఆయన పదవీకాలాన్ని కేంద్ర ప్రభుత్వం పలుమార్లు పొడిగించింది. భారత గూఢచర్యం విభాగంలో అత్యంత ప్రతిభావంతుల్లో ఒకరిగా కొత్త అధిపతి రవి సిన్హా మంచి పేరు ప్రఖ్యాతలు సంపాదించుకున్నారు.
దిల్లీలోని సెయింట్ స్టీఫెన్స్ కళాశాలలో చదువుకున్నారు. ఈ విషయం తప్ప, రవి సిన్హాకు సంబంధించిన మరే వ్యక్తిగత విషయాలు చాలా వరకు గోప్యంగా ఉండటం గమనార్హం.
అయితే ఇంటిలిజెన్స్ విభాగంలో పనిచేసే ఉద్యోగులు, సిబ్బంది వివరాలు సదరు ఏజెన్సీ అత్యంత గోప్యంగా ఉంచుతుంది అనడంలో ఎలాంటి సందేహం లేదు.