Saif AliKhan: ''నిజంగా కత్తి దాడి జరిగిందా, నటిస్తున్నాడా..?'.. సైఫ్ అలీ ఖాన్ ఘటనపై మహారాష్ట్ర మంత్రి అనుమానం..
ఈ వార్తాకథనం ఏంటి
బాలీవుడ్ నటుడు సైఫ్ అలీఖాన్‌పై కత్తి దాడి జరిగిన సంఘటన అందరికీ తెలిసిందే.
ఈ ఘటనకు సంబంధించి నిందితుడిని పోలీసులు థానేలో అరెస్ట్ చేశారు.
మహ్మద్ షరీఫుల్ ఇస్లాం షెహజాద్ అనే బంగ్లాదేశీ వ్యక్తి నిందితుడు.
గత గురువారం తెల్లవారుజామున బాంద్రాలోని సైఫ్ ఇంట్లోకి దొంగతనం చేయడానికి చొరబడిన నిందితుడు, సైఫ్‌పై కత్తితో దాడి చేశాడు.
ఈ దాడి వల్ల సైఫ్ ఆరు చోట్ల గాయపడగా, వెంటనే ఆయనను లీలావతి ఆస్పత్రికి తరలించడంతో ప్రమాదం తప్పింది.
సైఫ్ వెన్నుపూసలో కత్తి భాగం ఉండడంతో, వైద్యులు శస్త్రచికిత్స చేయాల్సి వచ్చింది. ప్రస్తుతం ఆయన కోలుకున్నారు.
వివరాలు
డిశ్చార్జ్ అయిన తీరుపై అనుమానాలు
అయితే, ఆస్పత్రి నుంచి సైఫ్ డిశ్చార్జ్ అయిన తీరుపై కొందరు అనుమానాలు వ్యక్తం చేస్తున్నారు.
తీవ్ర గాయాలు అయ్యిన వ్యక్తి ఎలా ఆరోగ్యంగా కనిపిస్తున్నాడని ప్రశ్నిస్తున్నారు.
మహారాష్ట్ర మంత్రి నితేష్ రాణా ఈ సంఘటన గురించి మాట్లాడుతూ, ''ఈ ఘటన నిజమా లేదా, లేక సైఫ్ నటిస్తున్నారా?'' అని సందేహం వ్యక్తం చేశారు.
సైఫ్ ఆస్పత్రి నుంచి డిశ్చార్జ్ అయిన తర్వాత చూడగా, ఆయనపై నిజంగా దాడి జరిగిందా? అనే అనుమానం కలిగిందని అన్నారు.
వివరాలు
అప్పుడు మాత్రమే ప్రతిపక్ష నాయకులు స్పందిస్తారా
ఇక మరికొందరు ఈ విషయంపై రాజకీయ ఆరోపణలు చేస్తున్నారు.
ఒక ''ఖాన్'' ఇబ్బందుల్లో ఉన్నప్పుడు మాత్రమే ప్రతిపక్ష నాయకులు స్పందిస్తారా? అని ప్రశ్నించారు.
దివంగత నటుడు సుశాంత్ సింగ్ రాజ్‌పుత్ గురించి ఎన్సీపీ నేత జితేంద్ర అవాద్, ఎంపీ సుప్రియా సూలేలు ఎందుకు స్పందించలేదని ప్రశ్నించారు.
షారూఖ్ ఖాన్ కుమారుడి విషయంలో నవాబ్ మాలిక్ స్పందించినప్పుడు, ఇప్పుడు సైఫ్ అలీ ఖాన్ గురించి సుప్రియా సూలే ఆందోళన వ్యక్తం చేస్తున్నారని, హిందూ నటుల గురించి ఎప్పుడైనా ఇలానే ఆందోళన చూపారా? అని విమర్శలు చేశారు.