తదుపరి వార్తా కథనం
Srisailam project: శ్రీశైలం ప్రాజెక్టుకు ఉధృతంగా కొనసాగుతున్న వరద ప్రవాహం
వ్రాసిన వారు
Sirish Praharaju
Jul 07, 2025
10:44 am
ఈ వార్తాకథనం ఏంటి
జూరాల,సుంకేశుల ప్రాజెక్టుల నుంచి భారీగా వరద నీరు శ్రీశైలం జలాశయంలోకి చేరుతోంది. ప్రస్తుతం ఈ రెండు ప్రాజెక్టుల నుంచి కలిసి 1,98,550 క్యూసెక్కుల వరద ప్రవహిస్తోంది. అదే సమయంలో, శ్రీశైలంలోని ఔట్‌ఫ్లో 59,239 క్యూసెక్కులుగా నమోదు అయింది. విద్యుత్ ఉత్పత్తి కొనసాగుతోంది.. ఎడమగట్టు విద్యుత్ కేంద్రం ద్వారా 35,315 క్యూసెక్కులు, కుడి గట్టు విద్యుత్ కేంద్రం ద్వారా 23,924 క్యూసెక్కుల నీటిని విడుదల చేసి నాగార్జునసాగర్‌కు పంపుతున్నారు. శ్రీశైలం ప్రాజెక్టు పూర్తిస్థాయి నీటి మట్టం 885 అడుగులు కాగా, ప్రస్తుతం నీటి మట్టం 880.40 అడుగులుగా ఉంది. అలాగే, ఈ జలాశయానికి ఉన్న గరిష్ట నీటి నిల్వ సామర్థ్యం 215.80 టీఎంసీలు, అయితే ప్రస్తుత నిల్వ 190.33 టీఎంసీలకు చేరుకుంది.