Kumbh Mela: కుంభమేళాలో మహిళా భక్తుల వీడియోలు విక్రయం.. మెటా సాయం కోరిన యూపీ పోలీసులు
ఈ వార్తాకథనం ఏంటి
ప్రయాగ్‌రాజ్‌లో జరుగుతున్న మహా కుంభమేళాకు భక్తులు భారీగా తరలివస్తున్నారు. ఇప్పటివరకు 55 కోట్ల మందికి పైగా భక్తులు త్రివేణీ సంగమంలో పుణ్యస్నానాలు ఆచరించారు.
ఫిబ్రవరి 26 వరకు కొనసాగనున్న ఈ మేళాకు చివరి నాటికి భక్తుల సంఖ్య 60 కోట్లు దాటే అవకాశముందని అంచనా వేస్తున్నారు.
వివాదాస్పద వీడియోలపై కేసు నమోదు
కుంభమేళాలో స్నానం చేస్తున్న మహిళా భక్తుల వీడియోలను విక్రయిస్తున్న రెండు సామాజిక మాధ్యమ ఖాతాలపై పోలీసులు కేసు నమోదు చేశారు.
యూపీ పోలీసు అధికారులు ఈ విషయాన్ని ఓ అధికారిక ప్రకటనలో వెల్లడించారు.
Details
పోలీసుల ప్రకటన ప్రకారం
మహిళల గోప్యత, గౌరవాన్ని భంగపరచే ఈ వీడియోలను కొన్ని ఫ్లాట్‌ఫారమ్‌లు అప్లోడ్ చేస్తున్నట్లు గుర్తించారు.
సోషల్ మీడియా మానిటరింగ్ టీమ్ దీనిని కనుగొని కోత్వాల్ పోలీస్ స్టేషన్‌లో కేసు నమోదు చేసింది.
ఇన్‌స్టాగ్రామ్‌లో ఈ వీడియోలు అప్లోడ్ చేసిన ఖాతాను గుర్తించేందుకు మెటా నుంచి సమాచారం కోరారు.
టెలిగ్రామ్ ఛానళ్ల ద్వారా ఈ వీడియోలను విక్రయిస్తున్నట్లు మరో కేసు నమోదు చేసి దర్యాప్తు చేపట్టారు.
కుంభమేళాకు సంబంధించిన తప్పుడు సమాచారాన్ని వ్యాప్తి చేసే అక్రమ చర్యలపై కఠిన చర్యలు తప్పవని పోలీసులు హెచ్చరించారు.
Details
అంచనాలను మించి భక్తుల హాజరు
జనవరి 13న ప్రారంభమైన కుంభమేళా తొలుత 45 కోట్ల మంది భక్తులు వస్తారని అంచనా వేసినా భక్తులు ఊహించని స్థాయిలో తరలివచ్చారు.
జనవరి 29 (మౌని అమావాస్య)న 8 కోట్ల మంది భక్తులు పాల్గొన్నారు.
మకర సంక్రాంతి రోజున 3.5 కోట్ల మంది పుణ్యస్నానం చేశారు.
జనవరి 30న 2 కోట్ల మందికి పైగా తరలి వచ్చారు.
ఫిబ్రవరి 14 నాటికే భక్తుల సంఖ్య 50 కోట్ల మార్కును దాటగా, ప్రస్తుతం 55 కోట్లను చేరుకుంది.
ఫిబ్రవరి 26నాటికి భక్తుల సంఖ్య 60 కోట్లకు చేరవచ్చని అధికారిక వర్గాలు అంచనా వేస్తున్నాయి. మహా కుంభమేళా భక్తుల సముపార్జనతో విశేషంగా ముందుకు సాగుతోంది.