Maharashtra : ప్రియురాలిపై కోపంతో కారుతో ఢీకొట్టిన సీనియర్ అధికారి కొడుకు
ఈ వార్తాకథనం ఏంటి
ప్రియురాలిని కారుతో ఢీకొట్టి ఆమెను ఓ ప్రేమికుడు హతమార్చేందుకు ప్రయత్నించిన షాకింగ్ ఘటన మహారాష్ట్రలోని థానేలో చోటుచేసుకుంది.
నిందితుడి పేరు అశ్వజిత్ గైక్వాడ్. ఈ ఘటన థానేలోని ఘోడ్‌బందర్‌ రోడ్డులోని ఓవ్లా ప్రాంతంలో చోటుచేసుకుంది.
అశ్వజిత్ స్నేహితుల సహకారంతోనే ఈ దాడి జరిగిందని నిందితురాలు ఆరోపించింది.
ప్రస్తుతం ప్రియా ఉమేంద్ర సింగ్ (26) థానేలోని ఓ ప్రైవేట్ ఆస్పత్రిలో చికిత్స పొందుతోంది.
మహారాష్ట్ర స్టేట్ రోడ్ డెవలప్‌మెంట్ కార్పొరేషన్ జాయింట్ మేనేజింగ్ డైరెక్టర్ అనిల్‌కుమార్ గైక్వాడ్ కుమారుడే అశ్వజీత్ అనిల్‌కుమార్ గైక్వాడ్.
అయితే ఈ ఘటనపై అశ్వజిత్ సహా ముగ్గురిపై కాసర్వద్వాలి పోలీస్ స్టేషన్‌లో కేసు నమోదైంది.
మహారాష్ట్ర
అసలు విషయం ఇదీ
అశ్వజిత్ ప్రియురాలు ఉమేంద్ర సింగ్ ఉన్నత విద్యావంతురాలు. ఆమె ఘోడ్‌బందర్‌లో నివసిస్తుంది.
అశ్వజిత్ గైక్వాడ్ డిసెంబర్ 11న తెల్లవారుజామున 4.30గంటల ప్రాంతంలో ఓవాలాలోని ఓ హోటల్ దగ్గర ఆమెను కలవాలని పిలిచాడు.
కొన్ని కారణాల వల్ల వారి మధ్య గొడవ జరిగింది. ఆ తర్వాత అశ్వజిత్ తన ప్రియురాలిని దుర్భాషలాడి తీవ్రంగా కొట్టాడు.
తన ఎడమ చేతిపై కూడా గాట్లు పెట్టినట్లు బాధితురాలు ఆరోపించింది. అశ్వజిత్‌తో పాటు అతని స్నేహితులు రోమిల్ పాటిల్, సాగర్ షెల్కే‌తో కలిసి తనను కారతో పరుగెత్తించి.. ఢీ కొట్టారని బాధితురాలు ఆరోపించింది.
ఈ ఘటనలో ఆమె తీవ్రంగా గాయపడింది. ప్రియుడు అశ్వజిత్ గైక్వాడ్ తనపై హత్యాయత్నానికి పాల్పడ్డాడని ఆమె సోషల్ మీడియాలో పోస్ట్ చేసింది.