Vidadala Rajini : గుంటూరులో తీవ్ర ఉద్రిక్తత.. మంత్రి విడదల రజినీ ఆఫీసుపై దాడి
ఈ వార్తాకథనం ఏంటి
నూతన కొత్త సంవత్సరం నాడు గుంటూరులో తీవ్ర ఉద్రిక్తత చోటు చేసుకుంది.
గుంటూరు వెస్ట్ నియోజకవర్గ పరిధిలో కొత్తగా నిర్మించిన మంత్రి విడదల రజినీ(Vidadala Rajini) కార్యాలయంపై టీడీపీ-జనసేన నాయకులు రాళ్ల దాడి చేశారు.
దీంతో కార్యాలయ అద్దాలు ధ్వంసమయ్యాయి. తర్వాత నడిరోడ్డుపై వైసీసీ జెండాలను తగలబెట్టారు.
ఈ తరుణంలో కాస్త ఉద్రిక్తత పరిస్థితి చోటు చేసుకుంది.
సమాచారం తెలుసుకున్న పోలీసులు లాఠీ ఛార్జ్ చేసి గుంపును చెదరగొట్టారు.
ఈ అల్లర్లకు పాల్పడిన కొంతమంది టీడీపీ-జనసేన కార్యకర్తలను పోలీసులు అదుపులోకి తీసుకున్నారు.
Details
టీడీపీ-జనసేన కార్యకర్తలను అదుపులోకి తీసుకున్న పోలీసులు
ఇటీవలే గుంటూరు పశ్చిమ నియోజకవర్గ వైసీసీ ఇంఛార్జిగా మంత్రి విడదల రజనీ నియమితులైన విషయం తెలిసిందే.
దీనికోసం ఈ నియోజకవర్గంలో కొత్తగా పార్టీ కార్యాలయాన్ని నిర్మించారు. ఇవాళ ఈ కార్యాలయాన్ని ప్రారంభించాల్సి ఉంది.
ఈ క్రమంలోనే టీడీపీ-జనసేన కార్యకర్తలు ఈ కార్యాలయంపై దాడి చేసి ఫర్నిచర్ ను ధ్వంసం చేశారు.
దీంతో గుంటూరు వెస్ట్ పరిధిలో ఉద్రిక్త పరిస్థితులు నెలకొన్నాయి.
వెంటనే రంగంలోకి దిగిన పోలీసులు పటిష్టమైన బందోబస్తును ఏర్పాటు చేశారు.
ధ్వంసమైన కార్యాలయాన్ని ఎమ్మెల్సీ అప్పిరెడ్డి పరిశీలించారు.