Rajnath Singh: పరిశోధన-అభివృద్ధి బలపరచడమే రక్షణ శక్తి పునాది : రాజ్నాథ్ సింగ్
ఈ వార్తాకథనం ఏంటి
భారత రక్షణరంగంలో పరిశోధన, అభివృద్ధి (R&D)ను మరింత బలపరచడానికి ఒక వినూత్న పర్యావరణ వ్యవస్థ (Innovative Ecosystem)ను నిర్మించనున్నట్లు కేంద్ర రక్షణ మంత్రి రాజ్నాథ్ సింగ్ వెల్లడించారు. దిల్లీలో జరిగిన డిఫెన్స్‌ అకౌంట్స్‌ డిపార్ట్‌మెంట్‌ (DAD) 278వ ఆవిర్భావ దినోత్సవ వేడుకలో ఆయన పాల్గొని ముఖ్య ప్రసంగం చేశారు. ఈ సందర్భంగా ఆయన మాట్లాడుతూ ప్రస్తుత యుద్ధాల స్వరూపం వేగంగా మారుతోందని, అందులో ఆధునిక సాంకేతికత ప్రాధాన్యం విపరీతంగా పెరిగిందని ఆయన స్పష్టం చేశారు. ఇది దేశ భద్రతా పరంగా ఆందోళన కలిగించే అంశమని పేర్కొన్నారు. కొత్త సాంకేతికతలు అనేక ఏళ్లపాటు జరిపిన పరిశోధన, అభివృద్ధి ఫలితంగా ఉత్పన్నమవుతున్నాయని, అలాంటి అవకాశాలను భారత్ కూడా అందిపుచ్చుకోవాల్సిన అవసరం ఉందని రాజ్నాథ్ అన్నారు.
Details
ప్రతేడాది తిరుగుతున్న రక్షణ బడ్జెట్
మన చుట్టూ భద్రతా పరిస్థితులు మారుతున్నాయని, దేశ రక్షణ అవసరాలు వేగంగా పెరుగుతున్నాయని ఆయన పేర్కొన్నారు. అందువల్లే రక్షణ బడ్జెట్ ప్రతి ఏడాది పెరుగుతుందని తెలిపారు. అయితే బడ్జెట్ పెరుగుదలతో పాటు దానిని సమర్థవంతంగా, తెలివిగా వినియోగించాల్సిన బాధ్యత కూడా రెట్టింపవుతుందని గుర్తు చేశారు. అలాగే సాంకేతిక అభివృద్ధిని ప్రోత్సహించడంలో ప్రభుత్వం పూర్తిగా కట్టుబడి ఉందని రాజ్నాథ్ స్పష్టం చేశారు. దేశ రక్షణ వ్యవస్థను ఆధునిక సాంకేతిక రంగంలో మరింత అభివృద్ధి చేయడానికి అవసరమైన నిధులను పెంచుతున్నట్లు ఆయన వెల్లడించారు.