West Bengal: బెంగాల్ ఎన్నికల వేళ కఠిన ఆంక్షలు.. విజయోత్సవ ర్యాలీలకు 'నో'
వ్రాసిన వారు
Jayachandra Akuri
May 04, 2026
10:54 am
ఈ వార్తాకథనం ఏంటి
పశ్చిమ బెంగాల్ ఎన్నికల ఫలితాలపై దేశవ్యాప్తంగా ఉత్కంఠ నెలకొంది. మొత్తం 293 అసెంబ్లీ స్థానాలకు సంబంధించిన ఓట్ల లెక్కింపు ప్రస్తుతం కొనసాగుతోంది. ఈ నేపథ్యంలో కేంద్ర ఎన్నికల సంఘం కీలక ఆదేశాలు జారీ చేసింది. ఫలితాలు వెలువడిన అనంతరం ఎలాంటి విజయోత్సవ ర్యాలీలు నిర్వహించరాదని స్పష్టం చేసింది. ఈ నిషేధం రాష్ట్రవ్యాప్తంగా నేటి రోజంతా అమల్లో ఉంటుందని వెల్లడించింది. అభ్యర్థులు లేదా రాజకీయ పార్టీలు ఎవరూ ఈ నియమాన్ని ఉల్లంఘించకూడదని హెచ్చరించింది.
వివరాలు
ఫిర్యాదులపై ఎన్నికల సంఘం స్పందన
అదే సమయంలో, ఓట్ల లెక్కింపు కేంద్రాలకు తమ ఏజెంట్లు చేరుకోలేకపోతున్నారని వివిధ రాజకీయ పార్టీల నుంచి వచ్చిన ఫిర్యాదులపై కూడా ఎన్నికల సంఘం స్పందించింది. ఈ సమస్యను ఇప్పటికే గమనించామని, దానిపై విచారణ కొనసాగుతోందని, త్వరలోనే తగిన చర్యలు తీసుకుని పరిష్కారం చూపుతామని తెలిపింది.