Supreme Court: నీట్ నిరసనల్లో పెల్లెట్ గన్స్ వాడకం.. కేంద్రం, ఢిల్లీ ప్రభుత్వానికి సుప్రీంకోర్టు ఆదేశాలు
ఈ వార్తాకథనం ఏంటి
నీట్ ప్రశ్నాపత్రం లీకేజీకి వ్యతిరేకంగా ఢిల్లీలోని జంతర్ మంతర్ వద్ద జరిగిన నిరసనల సందర్భంగా ఆందోళనకారులపై పెల్లెట్ గన్స్ వినియోగించిన ఘటనపై సుప్రీంకోర్టు గురువారం తీవ్ర ఆందోళన వ్యక్తం చేసింది. ఈ ఘటనలో ర్యాపిడ్ యాక్షన్ ఫోర్స్ ఉపయోగించిన మందుగుండు సామగ్రికి సంబంధించిన అన్ని రికార్డులను భద్రంగా సంరక్షించాలని కేంద్ర ప్రభుత్వాన్ని అత్యున్నత న్యాయస్థానం ఆదేశించింది. పెల్లెట్ గన్స్ వినియోగాన్ని పూర్తిగా నిషేధించాలని కోరుతూ మాజీ సెంట్రల్ ఇన్ఫర్మేషన్ కమిషనర్, రిటైర్డ్ ఐపీఎస్ అధికారి యశోవర్ధన్ ఆజాద్తో పాటు మరో ఇద్దరు బాధితులు దాఖలు చేసిన పిటిషన్పై సుప్రీంకోర్టు విచారణ చేపట్టింది.
వివరాలు
అత్యవసర పరిస్థితుల్లో పెల్లెట్ గన్స్ వాడే అధికారం పోలీసులకు ఉంది: సుప్రీంకోర్టు
ఈ సందర్భంగా అత్యవసర పరిస్థితులు తలెత్తినప్పుడు పెల్లెట్ గన్స్ వినియోగించే అధికారం పోలీసులకు ఉంటుందని ధర్మాసనం స్పష్టం చేసింది.
అదే సమయంలో, పెల్లెట్ గన్స్ కారణంగా గాయపడిన బాధితులకు అత్యుత్తమ వైద్య సేవలు అందేలా చర్యలు తీసుకోవాలని ఢిల్లీ ప్రభుత్వాన్ని సుప్రీంకోర్టు ఆదేశించింది.