Minister KTR: కేటీఆర్కు తప్పిన ఘోర ప్రమాదం.. ప్రచార రథంపై నుంచి కిందపడ్డ మంత్రి
నిజామాబాద్ జిల్లాలో ఆర్మూర్‌ ఎన్నికల ప్రచారంలో మంత్రి కేటీఆర్ తృటిలో ఘోర ప్రమాదం తప్పింది. ఈ మేరకు ప్రమాదం నుంచి క్షేమంగా బయటపడ్డారు. ప్రచారం రథంపై నామినేషన్‌ దాఖలు చేసేందుకు బీఆర్ఎస్ అభ్యర్థి జీవన్ రెడ్డితో కలిసి వెళ్తుండగా డ్రైవర్ సడెన్‌ బ్రేక్ వేశారు. దీంతో పైన గ్రిల్ వంగిపోయి నేతలు కిందపడిపోయారు. ఈ క్రమంలోనే కేటీఆర్కు స్వల్ప గాయాలయ్యాయి. పట్టణంలోని పాత ఆలూరు రోడ్ వద్ద జరిగిన ఈ ఘటనలో కేటీఆర్ సహా రాజ్యసభ సభ్యుడు సురేశ్ రెడ్డి,ఎమ్మెల్యే జీవన్ రెడ్డి రథం నుంచి కిందపడ్డారు. ఘటనలో ఎవరికీ ఎటువంటి ప్రమాదం జరగకపోవడంతో అంతా ఊపిరిపీల్చుకున్నారు. అదృష్టవశాత్తు ప్రమాదం జరగలేదని, ఎవరూ ఆందోళన చెందకూడదని కేటీఆర్ కోరారు.అనంతరం కొడంగల్ పర్యటనకు బయల్దేరారు.
