Chandrababu Naidu: స్కిల్‌ డెవలప్‌మెంట్‌ కేసు.. చంద్రబాబు బెయిల్ పిటిషన్‌పై తీర్పు రిజర్వు
ఈ వార్తాకథనం ఏంటి
స్కిల్‌ డెవలప్‌మెంట్‌ కేసులో టీడీపీ జాతీయ అధ్యక్షుడు, మాజీ ముఖ్యమంత్రి చంద్రబాబు నాయుడు బెయిల్ పిటిషన్‌పై తీర్పును ఆంధ్రప్రదేశ్‌ హైకోర్టు రిజర్వ్‌లో ఉంచింది.
మధ్యంతర బెయిల్ పిటిషన్‌పై తీర్పును మంగళవారం ప్రకటించే అవకాశం ఉంది.
స్కిల్‌ డెవలప్‌మెంట్‌ కేసులో బెయిల్ అభ్యర్థనను ఏసీబీ కోర్టు తిరస్కరించడంతో చంద్రబాబు హైకోర్టును ఆశ్రయించారు.
చంద్రబాబు తరఫున సీనియర్ న్యాయవాదులు దమ్మాలపాటి శ్రీనివాస్, సిద్ధార్థ లూత్రా వాదనలు వినిపించగా, రాష్ట్ర ప్రభుత్వం తరఫున ఏఏజీ పొన్నవోలు సుధాకర్ రెడ్డి వాదనలు వినిపించారు.
ఆరోగ్య పరిస్థితి, బెయిల్‌కు మద్దతుగా వైద్యుల సూచనలను చంద్రబాబు తరఫు న్యాయవాదులు హైలైట్ చేశారు. ఇరుపక్షాల వాదనలు విన్న న్యాయస్థానం తీర్పును రిజర్వ్‌లో ఉంచింది.
ట్విట్టర్ పోస్ట్ చేయండి
రేపు తీర్పును వెల్లడించే అవకాశం
ఏపీ హైకోర్ట్ చంద్రబాబు ఆరోగ్య పరిస్థితి పై అత్యవసర కారణాలతో వేసిన మధ్యంతర బెయిల్ పిటిషన్ పై తీర్పు రిజర్వు చేసిన హైకోర్టు
— TV5 News (@tv5newsnow) October 30, 2023
రేపు నిర్ణయం వెల్లడిస్తామని పేర్కొన్న న్యాయమూర్తి
మెయిన్ బెయిల్ పిటిషన్ పై విచారణ ఎపుడు చేపట్టాలో రేపు నిర్ణయం తీసుకుంటామన్న న్యాయమూర్తి