Goa: కొడుకును చంపి.. బ్యాగులో కుక్కి.. బెంగళూరు సీఈఓ అరెస్ట్ !
ఈ వార్తాకథనం ఏంటి
గోవాలో 39 ఏళ్ల మహిళ తన 4 ఏళ్ల కొడుకును హత్య చేసి మృతదేహంతో కర్ణాటకకు వెళ్లినట్లు పోలీసులు మంగళవారం తెలిపారు.
వివరాల్లోకి వెళితే.. బెంగళూరులో స్టార్టప్ కంపెనీ నడుపుతున్న సుచనా సేత్‌ గత శనివారం తన 4ఏళ్ళ కుమారుడితో గోవా వెళ్ళింది.
అక్కడ కాండోలిమ్స్ హోటల్ సోల్ బన్యన్ గ్రాండేలో దిగింది. అనంతరం సోమవారం ఉదయం గదిని ఖాళీ చేసి ట్యాక్సీలో కర్ణాటకకు వెళ్ళింది.
ఆమె రూమ్ ఖాళీ చేసి వెళ్ళాక హోటల్ సిబ్బంది ఆమె ఉన్న గదిని శుభ్రం చెయ్యడానికి వెళ్లి గదిలో రక్తపు మరకలు చూసి పోలీసులకు ఫిర్యాదు చేశారు.
హోటల్ కి చేరుకున్న పోలీసులు సీసీ టివి ఫుటేజ్ పరిశీలించారు.
Details
స్నేహితురాలి అడ్రస్ నకిలీ
హోటల్‌లో కి వచ్చినప్పుడు కుమారుడితో కలిసి కన్పించిన సుచనా.. హోటల్ నుండి వెళ్లేటప్పుడు మాత్రం ఒంటరిగా కన్పించడంతో పోలీసులకు అనుమానం వచ్చింది.
వెంటనే పోలీసులు ఆమె వెళ్లిన ట్యాక్సీ డ్రైవర్‌కు ఫోన్ చేసి సుచనాతో మాట్లాడారు. తన కొడుకు గురించి ప్రశ్నించగా, సుచనా అతన్ని ఫటోర్డాలోని స్నేహితుడి ఇంట్లో విడిచిపెట్టినట్లు పేర్కొంది.
దింతో విచారణ చెయ్యగా ఆమె చెప్పిన స్నేహితురాలి అడ్రస్ నకిలీది అని తేలింది. పోలీసులు టాక్సీ డ్రైవర్‌కు మళ్లీ ఫోన్ చేసి,ఈసారి అతనితో కొంకణిలో మాట్లాడి, సూచనాకి అనుమానం రాకుండా సమీపంలోని పోలీస్ స్టేషన్‌కు వెళ్లమని తెలిపారు.
Details
సుచనా అరెస్టు..
టాక్సీ అప్పటికి చిత్రదుర్గ జిల్లాలోకి ప్రవేశించింది. డ్రైవరు సుచనాకు తెలీకుండానే కారును ఐమంగళ పోలీస్ స్టేషన్‌కు తరలించాడు.
అక్కడ ఓ అధికారి కారు తనిఖీ చేయగా బ్యాగులో చిన్నారి మృతదేహం కనిపించింది.
సుచనాను అరెస్టు చేశారు. హత్యకు గల కారణాలు తెలియరాలేదు. దీనిపై దర్యాప్తు జరుపుతున్నట్లు పోలీసులు వెల్లడించారు.