Ram Mandir: అయోధ్యలో కీలక ఘట్టం..రామ్‌లల్లా విగ్రహాన్ని ప్రతిష్ఠించిన అర్చకులు
ఈ వార్తాకథనం ఏంటి
రామాలయ ప్రతిష్ఠాపన వేడుకల నేపథ్యంలో ఆచారాలలో భాగంగా గర్భగుడి లోపల రామ్ లల్లా విగ్రహాన్ని ఏర్పాటు చేశారు.
ఈ కార్యక్రమం కనుల పండువగా జరిగింది. ప్రతిష్ఠాపన సందర్భంగా సీఎం యోగి ఆదిత్యనాథ్ అయోధ్యకు చేరుకుని ప్రత్యేక పూజలు నిర్వహించారు.
శుక్రవారం బాలరాముడికి సంబంధించిన కొత్త ఫొటోలను ఆలయ అధికారులు విడుదల చేశారు.
అంతకుముందు, 51 అంగులాల పొడవు ఉన్న రామ్ లల్లా విగ్రహం.. పై భాగాన్ని తెల్లని వస్త్రంతో కప్పి ఉంచారు.
మైసూరుకు చెందిన శిల్పి అరుణ్ యోగిరాజ్ చెక్కిన 51 అంగుళాల విగ్రహాన్ని గురువారం తెల్లవారుజామున ఆలయానికి తీసుకువచ్చారు.
Details
జనవరి 22న రామాలయంలో 'ప్రాణ్‌ప్రతిష్ఠ' కార్యక్రమం
గురువారం మధ్యాహ్నం, గర్భగుడిలో రామ్ లల్లా విగ్రహాన్ని ఉంచినట్లు పూజారి అరుణ్ దీక్షిత్ వార్తా సంస్థ పిటిఐకి తెలిపారు.
జనవరి 22న ప్రధాని నరేంద్ర మోదీ సమక్షంలో జరిగే 'అభిజిత్ ముహూర్తం'లో విగ్రహాన్ని ఆలయంలో ప్రతిష్ఠించనున్నట్లు ఉడిపి పెజావర్ మఠం శ్రీ రామ జన్మభూమి తీర్థ క్షేత్ర ట్రస్ట్ ట్రస్టీ శ్రీ విశ్వప్రసన్న తీర్థ తెలిపారు.
భద్రతా కారణాల దృష్ట్యా ప్రారంభ రోజున ఆహ్వానితులను మాత్రమే ఆలయంలోకి అనుమతిస్తామని ఆయన తెలిపారు.
జనవరి 22న రామాలయంలో 'ప్రాణ్‌ప్రతిష్ఠ' కార్యక్రమం తర్వాత, మరుసటి రోజు ఆలయాన్ని ప్రజల కోసం తెరవాలని భావిస్తున్నారు.