Minister Narayana: మూడేళ్లలో విజయవాడ, విశాఖ మెట్రో తొలి దశ పూర్తవుతుంది: మంత్రి నారాయణ
ఈ వార్తాకథనం ఏంటి
విశాఖపట్టణంలో మెట్రో రైల్ ప్రాజెక్టు తొలి దశ పనులను మూడేళ్లలో పూర్తిచేయనున్నట్లు రాష్ట్ర పురపాలక, పట్టణాభివృద్ధి శాఖ మంత్రి నారాయణ వెల్లడించారు. శుక్రవారం ఆయన మీడియాతో మాట్లాడుతూ, విశాఖ మెట్రో పనులకు టెండర్లు ఇప్పటికే పిలిచామని, విజయవాడ మెట్రో పనులకు వచ్చే మూడు రోజుల్లో టెండర్లు ఆహ్వానించనున్నట్లు తెలిపారు. ఈ రెండు నగరాల్లో తొలి దశ మెట్రో రైల్ పనులకు కలిపి రూ.21,616 కోట్లు వ్యయం చేయనున్నట్లు వివరించారు. ఈ సందర్భంగా విజయవాడలోని సీఆర్డీఏ కార్యాలయంలో టిప్సా, శిస్ట్రా కన్సల్టెన్సీలు, ఏపీ మెట్రోరైల్‌ కార్పొరేషన్‌ మధ్య సాంకేతిక సహకారం, పర్యవేక్షణ, నాణ్యత పరిశీలన అంశాలపై అవగాహన ఒప్పందం కుదిరింది.
Details
దంర
మంత్రి నారాయణ సమక్షంలో జరిగిన ఈ కార్యక్రమంలో సంబంధిత అధికారులు పాల్గొన్నారు. ప్రాజెక్టు వ్యయానికి కేంద్రం 20%, రాష్ట్రం 20% నిధులను సమకూర్చనున్నాయి. రాష్ట్ర వాటాను విశాఖ నగరపాలక సంస్థ, సీఆర్డీఏ కలిపి సమకూర్చనున్నాయి. మిగిలిన 60% నిధులు తక్కువ వడ్డీతో అంతర్జాతీయ బ్యాంకుల ద్వారా కేంద్ర ప్రభుత్వం అందించనున్నట్లు మంత్రి స్పష్టం చేశారు. విశాఖలో మొదటి దశలో 46.23 కిలోమీటర్ల పొడవున మూడు కారిడార్లు ఏర్పాటు చేయనున్నారు. అలాగే విజయవాడలో 38.40 కిలోమీటర్ల పొడవున రెండు కారిడార్లు నిర్మించనున్నారు. వీటిలో విశాఖలో 20 కిలోమీటర్లు, విజయవాడలో 4.7 కిలోమీటర్లు డబుల్‌ డెక్కర్‌ పద్ధతిలో నిర్మించనున్నారు.
Details
అమరావతి రైతులకు కౌలు నిధుల విడుదల: మంత్రి వివరాలు
రాజధాని అమరావతి రైతులకు 11వ సంవత్సరానికి గాను రూ.163.67 కోట్ల కౌలు నిధులను ప్రభుత్వం విడుదల చేసినట్లు మంత్రి నారాయణ తెలిపారు. మొత్తం 18,638 మందికి నిధులు మంజూరు చేయగా, వీరిలో 594 మంది రైతులకు బ్యాంకు ఐఎఫ్‌ఎస్‌సీ కోడ్‌ తప్పుగా ఉండటంతో జమ కాకపోయినట్లు తెలిపారు. మరో 88 మంది వివరాలు సీఎఫ్‌ఎంఎస్‌లో తప్పుగా నమోదుకావడంతో వారు కూడా నిధులు పొందలేకపోయారని పేర్కొన్నారు.
Details
వ్యవసాయ కూలీలకు రూ.5వేలు పింఛను ఇవ్వాలి
రైతుల ఇబ్బందులు పరిష్కరించేందుకు సీఆర్డీఏ ప్రత్యేక విభాగాన్ని ఏర్పాటు చేసిందని, రైతులు తమ వివరాలను వెబ్‌సైట్‌ ద్వారా అప్‌లోడ్‌ చేయొచ్చని మంత్రి సూచించారు. ఈ కౌలు వ్యవహారంపై వైసీపీ నేతలు తప్పుడు ప్రచారాలు చేయడం మానుకోవాలని కోరారు. అదే సమయంలో అమరావతి సచివాలయ నిర్మాణ పనుల్లో పాల్గొంటున్న పేద వ్యవసాయ కూలీలకు రూ.5,000 చొప్పున పింఛను ఇవ్వాలని సీఎం ఆదేశించారని తెలిపారు. ఈ చర్యలన్నీ రైతులు, కూలీల పట్ల ప్రభుత్వ నిబద్ధతకు నిదర్శనమని పేర్కొన్నారు.