పెండింగ్ బిల్లులు వ్యవహారంపై సుప్రీంకోర్టును ఆశ్రయించిన తెలంగాణ ప్రభుత్వం
ఈ వార్తాకథనం ఏంటి
గవర్నర్ తమిళిసై సౌందరరాజన్‌ వద్ద పెండింగ్ బిల్లుల వ్యవహారంపై తెలంగాణ ప్రభుత్వం సుప్రీంకోర్టును ఆశ్రయించింది. రాష్ట్ర ప్రభుత్వం తరపున ప్రభుత్వ ప్రధాన కార్యదర్శి శాంతికుమారి దాఖలు రిట్ పిటిషన్ దాఖలు చేశారు. అందులో గవర్నర్‌ను ప్రతివాదిగా చేర్చారు.
గవర్నర్ వద్ద రాష్ట్రానికి సంబంధించిన 10 కీలక బిల్లులు పెండింగ్‌లో ఉన్నాయని, వాటిని ఆమోదించేలా గవర్నర్ తమిళిసైని ఆదేశించాలని కోరుతూ రాష్ట్ర ప్రభుత్వం రిట్ పిటిషన్‌లో పేర్కొంది.
తెలంగాణ
ఎన్నికల సమయంలో ఆ బిల్లులే కీలకం
కొన్ని నెలులుగా రాజ్‌భవన్‌లో పలు కీలక బిల్లులు పెండింగ్‌లో ఉన్నాయి. ఇవి రాష్ట్ర ప్రభుత్వానికి సంబంధించిన కీలక ఫైళ్లు కావడంతో ఈ బిల్లుల వ్యవహారాన్ని కేసీఆర్ ప్రభుత్వం చాలా సీరియస్‌గా తీసుకుంది.
తెలంగాణలో అసెంబ్లీ ఎన్నికలు దగ్గరపడుతున్నాయి. ఈ నేపథ్యంలో ప్రభుత్వం కీలకమైన నిర్ణయాలు తీసుకోవాల్సిన అవసరం ఉంది. అయితే గవర్నర్ తన వద్ద పెండింగ్ ఫైళ్లను ఆమోదిస్తే కానీ ఆ పనులు ముందుకు సాగవు.
అందుకే ఇన్నాళ్లు వేచి చూసిన రాష్ట్ర ప్రభుత్వం, ఎన్నికలకు సమయం దగ్గర పడుతుండటంతో చివరి ప్రయత్నంగా సుప్రీంకోర్టును ఆశ్రయించింది.