TTD: తితిదే కల్తీ నెయ్యి కుంభకోణం.. మరో 11 మంది పేర్లు నిందితుల జాబితాలో చేర్చిన సిట్
ఈ వార్తాకథనం ఏంటి
తిరుమల తిరుపతి దేవస్థానం (తితిదే) కల్తీ నెయ్యి కేసు దర్యాప్తులో సీబీఐ పర్యవేక్షణలో పనిచేస్తున్న ప్రత్యేక దర్యాప్తు బృందం (సిట్) వేగం పెంచింది. కేసు నమోదు చేసిన సమయంలో 15 మందిని నిందితులుగా గుర్తించిన సిట్—తరువాత మరో తొమ్మిది మందిని చేర్చగా—తాజాగా మరో 11 మందిని నిందితుల జాబితాలో చేరుస్తూ నెల్లూరు ఏసీబీ కోర్టులో మెమో దాఖలు చేసింది. కొత్తగా చేర్చిన 11 మందిలో ఏడుగురు తితిదే ఉద్యోగులు ఉండటం సంచలనంగా మారింది.
Details
నిందితుల సంఖ్య 35కు చేరింది
ముఖ్యంగా 2019 నుండి 2024 వరకు తితిదే కొనుగోలు విభాగంలో పనిచేసిన పలు కీలక సిబ్బంది ఈ జాబితాలో ఉన్నారు. ఆ సమయంలో జీఎంలుగా విధులు నిర్వహించిన జగదీశ్వర్ రెడ్డి, మురళీకృష్ణతో పాటు ఎస్వీ గోశాల మాజీ డైరెక్టర్ హరినాథ్ రెడ్డిపై కూడా సిట్ కేసులు నమోదు చేసింది. అదనంగా సీనియర్‌, జూనియర్‌ అసిస్టెంట్లు కూడా నిందితుల జాబితాలో చేరారు. ఇలా ఇప్పటివరకు ఈ కేసులో నిందితుల సంఖ్య మొత్తం 35కు చేరింది. వారిలో 10 మందిని ఇప్పటికే అరెస్టు చేసినట్లు సమాచారం.