TTD: తిరుమలకు వెళ్లే భక్తులకు శుభవార్త.. ఇక నుంచి మూడు గంటల్లోనే దర్శనం..
తిరుమల తిరుపతి దేవస్థానం (టీటీడీ) 54వ పాలకమండలి సమావేశం నేడు నిర్వహించి పలు ప్రధాన అంశాలపై చర్చించింది. చైర్మన్ బీఆర్ నాయుడు మీడియాతో మాట్లాడుతూ సమావేశంలో తీసుకున్న ముఖ్యమైన నిర్ణయాలను వెల్లడించారు. సామాన్య భక్తులకు వేగవంతమైన దర్శనం ఆర్టిఫిషియల్ ఇంటెలిజెన్స్ (AI) సాంకేతికతను ఉపయోగించి, సామాన్య భక్తులకు కేవలం మూడు గంటల్లో దర్శనం కల్పించేందుకు ప్రణాళికలు రూపొందిస్తున్నట్లు వెల్లడించారు. అన్యమత ఉద్యోగుల సమస్యల పరిష్కారం అన్యమత ఉద్యోగుల విషయంలో, వలంటరీ రిటైర్మెంట్ స్కీమ్ (VRS) పొందడానికి అవకాశం కల్పిస్తామని, లేకుంటే వారిని ఇతర శాఖలకు బదిలీ చేయనున్నట్లు తెలిపారు.
శ్రీనివాస సేతు పేరుమార్పు
తిరుమలలోని శ్రీనివాస సేతు బ్రిడ్జ్‌ను ఇకపై "గరుడ వారధి"గా పిలిచేందుకు నిర్ణయం తీసుకున్నారు. ముంతాజ్ హోటల్ స్థలం తిరిగి టీటీడీకి అప్పగింపు ప్రస్తుతం 20 ఎకరాల ప్రభుత్వ స్థలంలో ఉన్న ముంతాజ్ హోటల్ నిర్మాణాన్ని నిలిపి, ఆ స్థలాన్ని తిరిగి టీటీడీకి అప్పగించేందుకు ప్రభుత్వాన్ని కోరాలని నిర్ణయించారు. రాజకీయ ప్రసంగాల నిషేధం తిరుమలలో రాజకీయ ప్రసంగాలను పూర్తిగా నిషేధించనున్నట్లు ప్రకటించారు. నిబంధనలు ఉల్లంఘించినవారిపై కేసులు నమోదు అవుతాయి. ప్రత్యేక దర్శన భాగ్యం ప్రతి నెల మొదటి మంగళవారం స్థానికులకు ప్రత్యేక దర్శన భాగ్యం కల్పించేందుకు ఆమోదం పొందింది. శ్రీవాణి ట్రస్ట్ విలీనం శ్రీవాణి ట్రస్ట్‌ను రద్దు చేసి, మరొక ట్రస్టులో విలీనం చేయనున్నట్లు నిర్ణయం తీసుకున్నారు.
టీటీడీ డిపాజిట్ల మార్పు
ప్రైవేట్ బ్యాంకుల్లో ఉన్న టీటీడీ డిపాజిట్లను ప్రభుత్వ బ్యాంకుల్లోకి మార్చే చర్యలు చేపడుతున్నారు. అన్నదానం కార్యక్రమ విస్తరణ తిరుమలలో నిత్య అన్నదాన కార్యక్రమాన్ని మరింత విస్తరించి, రోజుకు 2 లక్షల మంది భక్తులకు అన్నప్రసాదం అందించేందుకు ఆధునీకరించిన పరికరాలను ఏర్పాటు చేస్తున్నారు. ఆధునిక సాంకేతికత వినియోగం AI ఆధారిత వర్చువల్ క్యూ వ్యవస్థను ప్రవేశపెట్టి, శ్రీవారి దర్శనాలను మరింత వేగవంతం చేయడానికి టీటీడీ యోచిస్తోంది. శారదాపీఠం స్థలం రద్దు శారదాపీఠానికి ఇచ్చిన స్థలాన్ని రద్దు చేసి, తిరిగి టీటీడీ స్వాధీనం చేసుకున్నట్లు ప్రకటించారు.
టూరిజం టికెట్ల అవకతవకలు
టూరిజం టికెట్ల విషయంలో అవకతవకలు చోటు చేసుకున్నట్లు నిర్ధారించగా, టికెట్ వ్యవస్థను పూర్తిగా రద్దు చేయాలని నిర్ణయించారు. భక్తులకు మెరుగైన సేవలు అందించడమే మా లక్ష్యం అని టీటీడీ చైర్మన్ బీఆర్ నాయుడు తెలిపారు. ఈ నిర్ణయాలు టీటీడీ కార్యకలాపాలను సమర్థవంతంగా నిర్వహించేందుకు తోడ్పడతాయని విశ్వాసం వ్యక్తం చేశారు.
