కర్ణాటకలో టామాటా పంటను దోచుకున్న దొంగలు.. కన్నీరుమున్నీరైనా మహిళా రైతు
ఈ వార్తాకథనం ఏంటి
కర్ణాటకలో టామాటా దొంగలు పేట్రేగిపోయారు.దీంతో బాధిత మహిళా రైతు కన్నీరుమున్నీరుగా విలపిస్తున్నారు. ఓ వైపు దేశవ్యాప్తంగా టమాటా ధరలు భగ్గుమంటున్నాయి. మరోవైపు కొందరు దుండగులు ఏకంగా టామాటా పంటనే దొంగిలించారు.
సుమారు 2 ఎకరాల్లో టామాటా పంటను సాగు చేసింది.పంటను కోసి రాజధాని బెంగళారులోని మార్కెట్ కు తరలించేందుకు ఏర్పాట్లు జరుగుతున్నాయి.
ఈ నేపథ్యంలో పండిన పంట అంతా కోసుకుని వెళ్లిపోయారని సదరు మహిళా రైతు రోదిస్తున్నారు. ఈ పంట విలువ దాదాపుగా రూ.2.5 లక్షలు ఉంటుందన్నారు. ప్రస్తుతం బెంగళూరులో కిలో టమాటా రూ. 120కిపైనే పలుకుతోందట.
ఆరు గాలం కష్టించి పండించిన పంట తీరా చేతికందే క్రమంలో కొందరు ప్రభుద్ధులు చేతివాటం ప్రదర్శించారు. దీంతో ఆ రైతు ఎంతో వేదనకు గురవుతున్నారు.
details
హైదరాబాద్ లో కిలో రూ.150 మార్క్ క్రాస్ చేసిన టామాటా
టమాటాలను దొంగలించిన దుండగులు అక్కడే ఉన్న మిగతా పంటలను ధ్వంసం చేసిపోయారని మహిళా రైతు కంటతడి పెట్టుకుంది.
ఈ క్రమంలో నిందితులపై హలెబీడు పోలీస్ స్టేషన్ లో ఫిర్యాదు చేశారు. వెంటనే సదరు దుండగులు ఎవరో వెతికి పట్టుకుని తనకు న్యాయం చేయాలని బాధితురాలు పోలీసులను అభ్యర్థించింది.
అయితే ప్రస్తుతం ఎన్నడూ లేని రీతిలో టామాటా ధరలు ఆకాశంలో విహరిస్తున్నాయి.
దేశవ్యాప్తంగా చాలా ప్రాంతాల్లో ఇప్పటికే కిలో టామాటా రూ.100 దాటడం గమనార్హం. మెట్రో సిటీ హైదరాబాద్ లో కిలో ధర రూ. 150పైనే పలుకుతోంది.
ఈ రేట్లు చూసిన సామాన్య, మధ్య తరగతి కుటుంబాలు అసలు టమాటాల ఊసు కూడా ఎత్తడం లేదు.
DETAILS
దేశవ్యాప్తంగా మండిపోతున్న కూరగాయల ధరలు
టామాటా పంట అధిక ధర సందర్భంగా వాటివైపు తొంగి చూసేందుకూ జనం భయపడుతున్నారు. మరోవైపు ప్రత్యామ్నాయాల వైపు అడులేస్తున్నారు. మిగతా కూరగాయల ధరలూ చుక్కలు చూపిస్తున్నాయి.
దేశవ్యాప్తంగా వివిధ నగరాల్లో టమాటా ధరలు :
దిల్లీలో రూ. 129,
మొరాదాబాద్‌లో రూ. 150
బెంగళూరులో రూ.120
హైదరాబాద్ రూ.150
మిగతా కూరగాయల ధరలు కూడా భారీగానే పెరిగిపోయాయి. మేలో రూ. 40 ఉన్న కాలీఫ్లవర్ ఇప్పుడు రూ. 60కి చేరింది. రూ. 30-40 ఉన్న క్యాబేజీ సైతం రూ. 60ని తాకింది.
ఉల్లి, బంగాళదుంపల ధరలు రూ. 20 నుంచి రూ. 30కి చేరుకున్నాయి. కిలో బీన్స్ ధర రూ.160ను తాకడంతో టమాటాతో పోటీపడుతోంది.