RTC: పురుషులకు ప్రత్యేక బస్సులు.. సీనియర్ సిటిజన్లకే మొదటి ప్రాధాన్యం
ఈ వార్తాకథనం ఏంటి
మహాలక్ష్మి పేరిట తెలంగాణలో మహిళలకు ఉచిత బస్సు ప్రయాణ పథకం అమలులోకి వచ్చిన తర్వాత టీఎస్‌ఆర్టీసీ బస్సుల్లో రద్దీ బాగా పెరిగింది.
దీంతో బస్సుల్లో సీటు దొరక్క మగవాళ్లు దిగుతున్నారని కండక్టర్లు ఇటీవల నిర్వహించిన ఆన్‌లైన్‌ సమావేశంలో ఆర్టీసీ ఎండీ దృష్టికి తీసుకెళ్లారు.
ఈ నేపథ్యంలో కొన్ని రూట్లు, సమయాల్లో పురుషుల కోసం ప్రత్యేకంగా బస్సులు నడిపేందుకు ఆర్టీసీ పరిశీలిస్తోంది.
విద్యార్థుల కోసం ప్రత్యేక బస్సులు ఏర్పాటు చేయాలా వద్దా అనే అంశాన్ని కూడా పరిశీలిస్తున్నారు.
పురుషుల కోసం ఏర్పాటు చేసే ప్రత్యేక బస్సుల్లో సీనియర్ సిటిజన్లకు మొదటి ప్రాధాన్యత ఇవ్వాలని ఆర్టీసీ అధికారులు భావిస్తున్నారు.
బస్సు
రద్దీని బట్టి ప్రత్యేక బస్సులు నడిపే అవకాశం
రద్దీని బట్టి పురుషులు, విద్యార్థులకు వేర్వేరు ప్రత్యేక బస్సులను నడిపే యోచనలో ఆర్టీసీ ఉన్నట్లు తెలుస్తోంది.
అలాగే మహిళలకు మాత్రమే ప్రత్యేక బస్సులు నడిపే రూట్లను కూడా పరిశీలిస్తున్నట్లు ఆర్టీసీ వర్గాలు చెబుతున్నాయి.
జీరో టికెట్ కారణంగా మహిళా ప్రయాణికులను చిన్నచూపు చూడటం లేదని ఆర్టీసీ అధికారులు అంటున్నారు.
ఎందుకంటే మహిళల ఛార్జీని ప్రభుత్వం చెల్లిస్తుంది కాబట్టి.. వారిని చిన్నచూపు చూడాల్సిన అవసరం లేదన్నారు.
అన్ని వర్గాల ప్రయాణికులకు ఎలాంటి ఇబ్బందులు కలగకుండా వివిధ ప్రత్యామ్నాయాలపై దృష్టి సారించినట్లు సీనియర్ అధికారి ఒకరు వెల్లడించారు.