Udhaynidhi Stalin: డిప్యూటీ సీఎంగా ఉదయనిధి స్టాలిన్ ప్రమోట్
తమిళనాడు ముఖ్యమంత్రి స్టాలిన్ తనయుడు, ఇప్పటికే రాష్ట్ర మంత్రిగా ఉన్న ఉదయనిధి స్టాలిన్ తాజాగా రాష్ట్ర ఉపముఖ్యమంత్రిగా ప్రమోట్ అయ్యారు. ఈ మంత్రివర్గ పునర్‌వ్యవస్థీకరణలో నలుగురు కొత్తమంత్రులు ప్రమాణం చేశారు. వారిలో జైలుకు వెళ్లి ఇటీవల బెయిల్‌పై విడుదలైన మాజీ మంత్రి సెంథిల్‌ బాలాజీ కూడా ఉండడం విశేషం. గోవి చెళియన్‌కు విద్యాశాఖ, ఎస్‌ఎం నాజర్‌కు మైనార్టీ వ్యవహారాలు, ఆర్‌.రాజేంద్రన్‌కు పర్యాటక శాఖలు కేటాయించారు. సెంథిల్‌ బాలాజికి విద్యుత్‌, ఎక్సైజ్‌ శాఖలు అప్పగించారు.
పదవి కాదు, బాధ్యత అన్న ఉదయనిధి స్టాలిన్
ఈ పునర్‌వ్యవస్థీకరణలో ప్రధానంగా చర్చకు వచ్చిన అంశం, ఉదయనిధి స్టాలిన్‌కు డిప్యూటీ సీఎంగా బాధ్యతలు అప్పగించడం. ఉదయనిధి, డిప్యూటీ సీఎంగా ప్రమాణస్వీకారం చేయకపోయినప్పటికీ, తనకు ఈ పదవి కాదని, ఇది పెద్ద బాధ్యత అని వ్యాఖ్యానించారు. మంత్రివర్గ మార్పు వెనుక పాలనలో బాధ్యతలు పంచే ఆలోచన ఉంటే, విపక్షాలు మాత్రం ఇది పార్లమెంటు కుటుంబ రాజకీయాలకు నిదర్శనమని విమర్శలు గుప్పించాయి.
