హాట్ కేకుల్లా అమెరికా స్టూడెంట్ వీసాలు; గంటల్లోనే హైదరాబాద్, దిల్లీలో స్లాట్ల భర్తీ
ఈ వార్తాకథనం ఏంటి
అమెరికాలో ఉన్నత విద్య కోసం భారతీయ విద్యార్థులు అధిక ప్రాధాన్యత ఇస్తారు. ప్రతి ఏటా లక్షల మంది విద్యార్థులు అమెరికాలో విద్యకు వీసాల కోసం దరఖాస్తు చేసుకుంటారు.
తాజాగా జూన్‌కు సంబంధించిన వీసా స్లాట్లను విడుదల చేయగా, రెండు గంటల్లో అన్ని భర్తీ కావడం గమనార్హం.
అమెరికాలో ఆగస్టు, సెప్టెంబర్ నెలల్లో విద్యా సంవత్సరం ప్రారంభం అవుతుంది.
ఈ క్రమంలోనే దేశంలోని 5కాన్సులెట్ ఆఫీసులైన దిల్లీ, చెన్నై, హైదరాబాద్, కోల్‌కత్తాలో స్డూడెంట్ వీసాల కోసం స్లాట్లను విడుదల చేస్తారు.
మొదటి విడత కింద దిల్లీ, హైదరాబాద్ కాన్సులెట్ ఆఫీసుల్లో స్లాట్లు విడుదల చేయగా, హాట్ కేకుల్లా భర్తీ అయినట్లు అధికారులు చెప్పారు.
మిగతా మూడు కేంద్రాల్లోని వీసా స్లాట్లు త్వరలోనే విడుదల చేయనున్నారు.
వీసా
వచ్చే నెల మొదటి వారంలో ఇంటర్వ్యూలకు పిలిచే అవకాశం
ఉన్నత విద్యకోసం దరఖాస్తు చేసుకున్న విద్యార్థులకు వీసా జారీ విషయంలో అమెరికా ప్రభుత్వం అధిక ప్రాధాన్యత ఇస్తుందని అధికారులు స్పష్టం చేశారు.
అలాగే ఇంటర్వ్యూ తేదీలను వచ్చే నెల మొదటి వారంలో ఇంటర్వ్యూలకు పిలుస్తామని వెల్లడించారు.
అయితే టూరిస్ట్ వీసా ఉన్న వారు స్టూడెంట్ వీసా కోసం దరఖాస్తు చేసుకుంటే వారికి ఇంటర్వ్యూ నుంచి మినహాయింపు ఉంటుందని అధికారులు స్పష్టం చేశారు.
అయితే టూరిస్ట్ వీసా కోసం మాత్రం ఇంకా కొన్ని రోజులు వేచి చూడాల్సిందేననని అధికారులు చెప్పుకొచ్చారు.